08 مارچ ، 2025 
سلمان خان نے فلم ’سکندر‘ کیلئے کتنے کروڑ معاوضہ لیا؟ جان کر حیران رہ جائیں گے
08 مارچ ، 2025
بالی وڈ سپر اسٹار سلمان خان کی فلم ’ سکندر ‘سب سے زیادہ انتظار کے بعد ریلیز کی جانے والی فلموں میں سے ایک ہے جو کئی عرصے سرخیوں میں رہنے کے بعد بلآخر عید پر ریلیز کی جائے گی۔
لیکن کیا آپ جانتے ہیں کہ سلمان خان نے اس فلم کیلئے کتنا معاوضہ وصول کیا؟ حال ہی میں بھارتی میڈیا رپورٹ میں فلم کی کاسٹ کے معاوضے کا انکشاف کیا گیا ہے۔
ساجد ناڈیاڈوالا کی پروڈکشن میں بننے والی فلم ’سکندر‘ کی ہدایت کاری کے فرائض اے آر مروگادوس نے انجام دیے جب کہ فلم کا بجٹ 400 کروڑ بھارتی روپے ہے۔
بھارتی میڈیا رپورٹ کے مطابق سلمان خان نے فلم ’سکندر‘ کے لیے 120 کروڑ بھارتی روپے کا معاوضہ وصول کیا تاہم یہ واضح نہیں کہ سلمان نے پروفٹ شیئرنگ ماڈل کا انتخاب فلم’ سکندر‘ کیلئے بھی کیا یا نہیں۔
دوسری جانب فلم میں سلمان خان کے علاوہ رشمیکا منڈانا بھی مرکزی کردار ادا کررہی ہیں، دونوں پہلی بار ایک ساتھ فلم میں جلوہ گر ہوں گے۔
میڈیا رپورٹ میں بتایا گیا ہےکہ اداکارہ نے مبینہ طور پر اس فلم کے لیے 5 کروڑ بھارتی روپے وصول کیے اور کاجول اگروال کو مبینہ طور پر اس پروجیکٹ کے لیے 3 کروڑ روپے معاوضہ دیے جانے کا انکشاف ہوا ہے۔
یاد رہے کہ چند روز قبل فلم سکندر کے گانے زہرہ جبیں کا ٹیزر جاری کیا گیا تھا جس میں سلمان خان اور رشمیکا منڈانا کی دھماکے دار پرفارمنس نے تہلکہ مچادیا ہے۔
حال ہی میں سلمان خان نے بھی اپنے سوشل میڈیا ہینڈل پر فلم کا ایک نیا پوسٹر شیئر کیا ہے۔
اپنی پوسٹ کے کیپشن میں سلمان نے ایک بار پھر تصدیق کی کہ سکندر 28 مارچ 2025 کو عید الفطر کے موقع پر سنیما گھروں کی زینت بنے گی۔
مزید خبریں :
رتیش دیش مکھ کی فلم کا ڈانسر دریا میں ڈوب کر ہلاک
27 اپریل ، 2025
بانی پاکستان قائداعظم سے ملاقات کر چکا ہوں: فیصل رحمان کا انکشاف
25 اپریل ، 2025
