10 مارچ ، 2025 
محسن نقوی کا چیمپئنز ٹرافی کے کامیاب انعقاد پر قانون نافذ کرنیوالے اداروں اور صوبائی حکومتوں کا شکریہ
10 مارچ ، 2025
لاہور : چیئرمین پاکستان کرکٹ بورڈ محسن نقوی نے چیمپئنز ٹرافی کے کامیاب انعقاد پر اپنی ٹیم سمیت قانون نافذ کرنے والے اداروں اور صوبائی حکومتوں کا شکریہ ادا کیا۔
سوشل میڈیا پر جاری اپنے بیان میں چیئرمین پی سی بی نے کہا کہ چیمپئنز ٹرافی کے انعقاد پر پی سی بی کی ٹیم، قانون نافذ کرنے والے اداروں اور صوبائی حکومتوں کا شکریہ ادا کرتا ہوں۔
محسن نقوی نے کہا کہ چیمپئنز ٹرافی کے لیے پاکستان آنے والی ٹیموں آئی سی سی آفیشلز کا بھی شکریہ ادا کرتا ہوں، سب کی لگن اور مشترکہ کوششوں اہم ٹورنامنٹ کا کامیاب انعقاد ہوا۔
انہوں نے کہا کہ سب کی کوششوں نے چیمپئنز ٹرافی کے انعقاد کو ایک بڑی کامیابی میں بدلا اور پاکستان اس عالمی ایونٹ کی میزبانی پر فخر محسوس کرتا ہے۔
محسن نقوی نے کہا سب لوگوں کی حصہ داری اور کوششو ں سے یہ ایونٹ کرکٹ کے شائقین کے لیے تاریخی بن گیا ہے۔
واضح رہے کہ پاکستان نے چیمپئنز ٹرافی 2025 کی میزبانی کی اور ایونٹ کے زیادہ تر میچز پاکستان میں کھیلے گئے جب کہ بھارت نے اپنے میچز دبئی میں کھیلے تھے۔
