10 مارچ ، 2025 
لوگوں کے تنگ کرنے کے باوجود 38 گھنٹے تک ساکت کھڑے رہ کر عالمی ریکارڈ بنانے والا شخص
10 مارچ ، 2025
آسٹریلیا سے تعلق رکھنے والے ایک یوٹیوبر نے سب سے زیادہ وقت تک ساکت کھڑے رہنے کا عالمی ریکارڈ بنا دیا ہے۔
نورمی نامی یوٹیوبر نے اس سے قبل سب سے زیادہ وقت تک بیدار رہنے کا عالمی ریکارڈ بنانے کی کوشش کی تھی۔
وہ ریکارڈ اس لیے نہیں بن سکا کیونکہ گنیز ورلڈ ریکارڈز نے اس ریکارڈ کو ختم کر دیا ہے۔
نورمی 264 گھنٹے تک بیدار رہے اور اس کی ویڈیو کو لائیو اسٹریم کرنے کی کوشش بھی کی جسے یوٹیوب نے بلاک کر دیا۔
اس کے بعد اب نورمی نے سب سے زیادہ وقت تک ساکت رہنے کا عالمی ریکارڈ قائم کیا ہے۔
وہ 38 گھنٹے تک اپنی جگہ پر ساکت کھڑے رہے حالانکہ آس پاس سے گزرنے والے افراد نے انہیں کافی تنگ بھی کیا، یہاں تک کہ پولیس کو بھی بلالیا۔
38 گھنٹے تک ایک سڑک کے کنارے کھڑے رہنے کی ویڈیو کو بھی لائیو اسٹریم کیا گیا جس دوران راہ گیروں نے انہیں کافی تنگ کیا اور مذاق بھی اڑایا۔
کچھ افراد نے ان کے چہرے پر مونچھیں بنائیں اور کچھ نے تو انڈے بھی توڑے۔
لوگوں کی جانب سے تنگ کیے جانے کے باوجود وہ 38 گھنٹے تک ساکت کھڑے رہے اور پھر دعویٰ کیا ہے کہ انہوں نے نیا ریکارڈ بنا دیا ہے۔
یہ واضح نہیں کہ نورمی نے گنیز ورلڈ ریکارڈز کو شواہد جمع کرائے ہیں یا نہیں تاکہ باضابطہ طور پر عالمی ریکارڈ اپنے نام کرسکیں۔
مزید خبریں :
دنیا کا ایسا ملک جہاں 96 سال سے کوئی بچہ پیدا نہیں ہوا
08 مارچ ، 2025
ہر چیز سیکنڈ ہینڈ استعمال کرنے والی کفایت شعار خاتون
07 مارچ ، 2025
108 سالہ خاتون نے منفرد عالمی ریکارڈ اپنے نام کرلیا
06 مارچ ، 2025
