11 مارچ ، 2025 
43 سالہ معروف کورین پاپ اسٹار کمرے میں مردہ پائے گئے
11 مارچ ، 2025
معروف کورین پاپ اسٹار چو وہیسنگ 43 سال کی عمر میں دل کا دورہ پڑنے سے انتقال کرگئے۔
غیر ملکی میڈیا رپورٹس کے مطابق کورین سنگر اور سونگ رائٹر چو وہیسنگ گزشتہ شام جنوبی کوریا کے شہر سیئول میں موجود اپنے اپارٹمنٹ میں مردہ پائے گئے۔
دی کوریا ٹائمز کے مطابق پاپ اسٹار وہیسنگ کی گزشتہ شام اپنے منیجر سے میٹنگ تھی لیکن وہ اس میٹنگ میں شریک نہ ہوسکے۔
بعد ازاں گلوکار کی والدہ جب ان کو دیکھنے گئیں تو انہوں نے وہیسنگ کو بے ہوش پایا جس کے بعد اسپتال لے جانے پر ان کی موت کی تصدیق ہوگئی۔
رپورٹس کے مطابق پاپ اسٹار کی موت کی وجہ کا تعین تاحال نہیں کیا جاسکا ہے تاہم ان کی موت کی وجہ ممکنہ خودکشی یا منشیات کی زیادہ مقدار لینے کو کہا جارہا ہے۔
پولیس کا کہنا ہے کہ جس وقت پاپ اسٹار کو حالتِ غیر میں پایا گیا تو اس وقت تک ان کی موت کو کافی وقت گزر چکا تھا تاہم موقع پر کسی بھی غیر فطری سرگرمی یا سازش کے آثار نہیں ملے جس سے تاثر ملتا ہے کہ طبعی وجوہات کی بنا پر ہوئی ہے۔
وہیسنگ نے 2002 میں ’ہٹ آر اینڈ بی ‘ البم لائیک اے مووی کے ساتھ ڈیبیو کیا تھا جس کے آئندہ سالوں میں وہیسنگ کے کیرئیر کو مزید تقویت ملی لیکن 2021 میں غیر قانونی طور پر بے ہوشی کی دوا استعمال کرتے ہوئے پکڑے جانے کے بعد ان کےکیرئیر کو شدید زوال کا سامنا کرنا پڑا جب کہ انہیں اس جرم میں ایک سال قید کی سزا سنائی گئی تھی۔
