12 مارچ ، 2025 
حارث رؤف نے نومولود بیٹے کیساتھ پہلی تصویر شیئر کر دی، بچے کا نام بھی بتا دیا
12 مارچ ، 2025
پاکستان کرکٹ ٹیم کے فاسٹ بولر حارث رؤف نے اپنے نومولود بیٹے کے ساتھ پہلی تصویر سوشل میڈیا پر شیئر کر دی۔
10 مارچ کو فاسٹ بولر شاہین آفریدی نے ٹوئٹ کرتے ہوئے حارث رؤف کے ہاں بیٹے کی ولادت کی خبر دی اور ساتھ ہی نیک تمناؤں کا اظہار کیا۔
اس کے علاوہ شاداب خان نے بھی انسٹاگرام اسٹوری میں حارث کو مبارکباد دی لیکن حارث کی جانب سے اس حوالے سے کوئی ردعمل سامنے نہیں آیا تھا۔
تاہم منگل کو حارث رؤف نے انسٹاگرام پر اپنے بیٹے کے ساتھ پہلی تصویر شیئر کی اور ساتھ ہی بچے کا نام بھی بتا دیا۔
تصویر میں دیکھا جاسکتا ہے کہ حارث اور اہلیہ مزنا بیٹے کو ہاتھ میں تھامے ہوئے ہیں۔
قومی فاسٹ بولر نے اپنی پوسٹ میں بیٹے کی پیدائش کا اعلان کرتے ہوئے بتایا کہ ہم نے بیٹے کا نام محمد مصطفیٰ حارث رکھا ہے۔
خیال رہے کہ حارث رؤف نے 24 دسمبر 2022 کو اپنی ہم جماعت مزنا مسعود ملک سے نکاح کیا تھا اور جولائی 2023 میں رخصتی و ولیمہ ہوا تھا۔
