12 مارچ ، 2025 
72 لاکھ سے زیادہ تنخواہ والے ملازم نے 10 دن بعد ہی نوکری چھوڑ دی، وجہ جانیے
12 مارچ ، 2025
کیا آپ سوچ سکتے ہیں کہ ایک شخص جس کی سالانہ تنخواہ لاکھوں میں ہو وہ ایک معمولی سی وجہ کے پیچھے نوکری چھوڑ دے؟
یہ واقعہ بھارت میں پیش آیا جس کی کہانی بھارتی میڈیا نے بتائی تو وہ وائرل ہوگئی۔
رپورٹس کے مطابق ایک شخص نے ایک کمپنی کو 21 لاکھ بھارتی روپے (72 لاکھ سے زائد پاکستانی روپے) سالانہ میں جوائن کیا لیکن صرف 10 دن بعد نوکری کو خیرباد کہہ دیا۔
رپورٹس کے مطابق یہ شخص انڈین انسٹی ٹیوٹ آف مینجمنٹ کا گریجویٹ ہے جس نے نوکری کے 2 ہفتے بعد ہی کمپنی چھوڑ دی، اس کا واقعہ کمپنی کے ایک سیلز کے نمائندے نے شیئر کیا جس نے کہا کہ اسے ایک اکاؤنٹ ایگزیکٹو کو تربیت دینے کے لیے کہا گیا تھا۔
مذکورہ صارف نے بتایا کہ ٹرینی کی تنخواہ 2 لاکھ جوائننگ بونس کے ساتھ تقریباً 21 لاکھ سالانہ تھی لیکن زیادہ تنخواہ کے باوجود ٹرینی نے 10 دن میں نوکری چھوڑ دی۔
سیلز نمائندے نے بتایا کہ جب ٹرینی سے نوکری چھوڑنے کی وجہ پوچھی گئی تو اس نے بتایا مجھے کہا گیا تھا کہ وہ مارکیٹنگ ڈپارٹمنٹ میں کام کرے گا لیکن اسے پہلے ایک سال کے لیے سیلز کرنے کو کہا گیا۔
ٹرینی نے کہا یہ ہی وجہ ہے کہ میں نے نوکری چھوڑنے کا فیصلہ کیا کیونکہ میں اس کام سے ناخوش تھا اور میری اس کام میں کوئی دلچسپی بھی نہیں تھی۔
مزید خبریں :
ماں کے آئس کریم کھانے پر بچے نے پولیس کو طلب کرلیا
11 مارچ ، 2025
دنیا کا ایسا ملک جہاں 96 سال سے کوئی بچہ پیدا نہیں ہوا
08 مارچ ، 2025
ہر چیز سیکنڈ ہینڈ استعمال کرنے والی کفایت شعار خاتون
07 مارچ ، 2025
