12 مارچ ، 2025 
آئی سی سی نے نئی ون ڈے پلیئرز رینکنگ جاری کردی
12 مارچ ، 2025
دبئی: انٹرنیشنل کرکٹ کونسل (آئی سی سی) نے ون ڈے پلیئرز رینکنگ جاری کردی۔
آئی سی سی ون ڈے بیٹرز رینکنگ میں بھارت کے شبھمن گل کاپہلا نمبر جبکہ پاکستان کے بابراعظم کی رینکنگ میں دوسری پوزیشن برقرار ہے۔
بھارت کےروہت شرما 2 درجےترقی کےبعدتیسرے نمبرپرآگئے ہیں جبکہ نیوزی لینڈ کےراچن رویندرا 14 درجےترقی کے بعد14 ویں نمبر پرآگئے۔
ون ڈے بیٹرز میں نیوزی لینڈ کےگلین فلپس 6 درجےترقی کے بعد 24 ویں نمبر آگئے جبکہ جنوبی افریقہ کےڈیوڈ ملر5 درجےترقی کے بعد26 ویں نمبرپر آگئے۔
دوسری جانب ون ڈے بولرز میں سری لنکا کے مہیش تھیکشانا کا پہلا نمبر برقرار ہے۔
ون ڈے بولرز کی رینکنگ میں نیوزی لینڈ کے مچل سینٹنر 6 درجے ترقی کے بعد دوسرے نمبرپر آگئے ہیں جبکہ بھارت کےکلدیپ یادیو 3 درجے ترقی سے تیسرے نمبر پر آگئے ہیں۔
بھارت کےرویندرا جڈیجا تین درجےترقی کے بعد 10ویں نمبرپرموجود ہیں جبکہ نیوزی لینڈکے مائیکل بریسویل رینکنگ میں 10 درجےبہتری کے بعد18ویں نمبرپر آگئے ہیں۔
ون ڈے آل راؤنڈرز میں افغانستان کے عظمت اللہ عمر زئی کا پہلا نمبر برقرار رہا جبکہ نیوزی لینڈ کے مائیکل بریسویل 7 اور راچن رویندرا 8 درجے بہتری کے بعد بلترتیب 7 ویں اور 8 ویں نمبر پر موجود ہیں۔
مزید خبریں :
کیویز سے مقابلے کیلئے پاکستان کرکٹ ٹیم نیوزی لینڈ روانہ
12 مارچ ، 2025
