12 مارچ ، 2025 
بلوچستان کے غیور عوام ایسے شر پسندوں کے آگے جھکنے والے نہیں: وزیر ریلوے
12 مارچ ، 2025
وفاقی وزیر ریلوے حنیف عباسی نے جعفر ایکسپریس حملے پر گہرے دکھ اور افسوس کا اظہار کیا۔
اپنے بیان میں حنیف عباسی کا کہنا تھاکہ دہشت گردی بزدلانہ فعل ہے، جعفر ایکسپریس حملے کی شدید مذمت کرتے ہیں۔
انہوں نے کہا کہ دہشت گردی کی بزدلانہ کارروائی ہمارے حوصلے پست نہیں کر سکتی، ملک دشمن عناصر کو شکست دینے کیلئے پوری قوم متحد ہے اور ہمارے سکیورٹی ادارے بلوچستان سمیت پورے پاکستان کی ایک ایک انچ جگہ کی حفاظت کر رہے ہیں۔
وزیر ریلوے کا کہنا تھاکہ بلوچستان کے غیور عوام ایسے شر پسندوں کے آگے جھکنے والے نہیں ہیں۔
ان کا کہنا تھاکہ سکیورٹی اداروں اور حکومت بلوچستان کے بھرپور تعاون اور فوری رسپانس پر شکر گزار ہیں، دہشت گرد کیفر کردار تک پہنچیں گے اور کسی مجرم کو چھوڑا نہیں جائیگا۔
