12 مارچ ، 2025 
جرائم
فوٹو: فائل
لاہور: جائیدادکے تنازع پربھائیوں میں جھگڑا، بیچ بچاؤ کرانیوالی ماں چھریوں کے وار سے چل بسی
12 مارچ ، 2025
لاہور کے علاقے سندر میں گھر میں جائیداد کے تنازع پر 2 بھائیوں میں جھگڑے کے دوران بیچ بچاؤ کرانے والی ماں چھریوں کے وار سے چل بسی۔
پولیس کے مطابق جائیداد کے تنازع پر 2 بھائیوں میں جھگڑا ہو رہا تھا کہ اس دوران ان کی 70 سالہ ماں بیٹوں کو چھڑانے آئی تو ایک بھائی کے چھری کے وار سے اس کی والدہ زخمی ہوگئی۔
پولیس کے مطابق 70 سالہ خاتون کو زخمی حالت میں اسپتال منتقل کیا گیا جہاں وہ دم توڑ گئی۔
پولیس کا کہنا ہے کہ چھریوں کے وار سے ایک بھائی زخمی بھی ہوا ہے جس کی حالت تشویش ناک ہے اور اسے اسپتال میں طبی امداد دی جارہی ہے۔
پولیس کا کہنا ہےکہ واقعےکی مزید تحقیقات کی جارہی ہیں۔ پولیس نے ملزم کی گرفتاری کے حوالے سے کچھ نہیں بتایا۔
