13 مارچ ، 2025 
محمود اچکزئی اور اخترمینگل کا بلوچستان کی صورتحال پرمشاورت کیلئےعمران خان سےملاقات کافیصلہ
13 مارچ ، 2025
اپوزیشن رہنما محمود خان اچکزئی اور اخترمینگل بانی پی ٹی آئی عمران خان سے جیل میں ملاقات کریں گے اور بلوچستان اور خیبر پختونخوا (کے پی) کی صورتحال پر مشاورت کریں گے۔
اپوزیشن ذرائع کے مطابق دونوں رہنماؤں کی بانی پی ٹی آئی سے ملاقات آئندہ چند روز میں متوقع ہے، دونوں رہنما بلوچستان کی صورتحال پر بانی پی ٹی آئی سے مشاورت کریں گے، بانی پی ٹی آئی اور اپوزیشن قیادت کی ملکی سیاسی صورتحال پر بھی مشاورت ہوگی۔
ترجمان متحدہ اپوزیشن نے محمودخان اچکزئی اور اخترمینگل کی بانی پی ٹی آئی سے ملاقات کےفیصلےکی تصدیق کی ہے۔
اخونزادہ حسین یوسفزئی کے مطابق اپوزیشن قیادت نے اڈیالہ جیل میں بانی پی ٹی آئی سے ملاقات کا فیصلہ کیا ہے۔ اخترمینگل، محمود خان اچکزئی کے ساتھ اڈیالہ جیل ملاقات کے لیے جائیں گے، بانی پی ٹی آئی سے بلوچستان اور خیبرپختونخوا کی صوتحال پرمشاورت ہوگی۔
ترجمان متحدہ اپوزیشن کے مطابق بلوچستان اور خیبر پختونخوا کے مسائل صرف سیاسی قیادت ہی حل کرسکتی ہے۔
