13 مارچ ، 2025 
پاکستان
نائب قاصد حسنین نے سحری کے بعد پولیس اہلکار سے رائفل لی اور خود کو کمرے میں بند کرکے گولی مارلی/ فائل فوٹو
لاہور ہائیکورٹ کے جج کے نائب قاصد نے گولی مارکر خود کشی کرلی
13 مارچ ، 2025
لاہور: سرور روڈ کینٹ کے علاقے میں ہائیکورٹ کے جج کے نائب قاصد نے گولی مار کر خود کشی کرلی۔
پولیس کے مطابق جسٹس جواد حسن کے نائب قاصد حسنین نے سحری کے بعد پولیس اہلکار سے رائفل لی اور خود کو کمرے میں بند کرکے گولی مارلی۔
پولیس کے مطابق حسنین جسٹس جواد حسن کے ساتھ 12سال سے کام کررہا تھا، حسنین کمالیہ کا رہائشی تھا اور اس کا ایک بیٹا ڈیڑھ سال پہلے جاں بحق ہو گیا تھا جب کہ دو بچے معذور ہیں، وہ اسی وجہ سے ذہنی دباؤ کا شکار تھا۔
جسٹس جواد حسن راولپنڈی بینچ میں تعینات ہیں، واقعے کے وقت وہ گھر میں موجود نہیں تھے اور اطلاع ملنے پر راولپنڈی سے لاہور پہنچے۔
دوسری جانب پولیس نے نائب قاصد کی لاش پوسٹ مارٹم کے لیے بھجوا کر تحقیقات شروع کردی ہیں۔
