16 مارچ ، 2025 
اس رمضان کشمیری پکوڑوں سے لطف اٹھائیں
16 مارچ ، 2025
رمضان کا مہینہ شروع ہوتے ہیں بہت سے لوگ روزانہ افطاری میں اپنے دسترخوان کو پکوڑوں سے ضرور سجاتے ہیں۔
کوئی آلو تو کوئی پیاز کے پکوڑے کھانا پسند کرتا ہے لیکن آج ہم آپ کو کشمیری پکوڑوں کی منفرد ترکیب بتاتے ہیں جو آپ کو پسند آئے گی۔
اجزاء:
پیاز ایک عدد، آلو ایک عدد، نمک حسب ذائقہ، پسی ہوئی لال مرچ حسبِ ذائقہ، پسا ہوا دھنیا ایک چھوٹا چمچ، پسا ہوا زیرہ ایک چھوٹا چمچ، انار دانہ حسبِ ذائقہ، ہری مرچ ایک یا دو عدد، لیموں آدھا، دہی 2 سے 3 بڑے چمچ، ہلدی ایک چوتھائی چمچ۔
ترکیب:
سب سے پہلے ہری مرچ اور پیاز باریک کاٹ لیں اور آلو کدوکش سےموٹا موٹا کش کرلیں، پھر کٹی ہوئی ہری مرچ، پیاز اور سارے مسالے ڈال کریک جان کرلیں۔
اگلے مرحلے میں آدھا لیموں نچوڑ کرمکس کریں اور اب اس میں تھوڑا سا بیسن شامل کردیں، پھر دہی ڈال کر مکس کریں۔
بالکل اُسی طرح جیسے پکوڑوں کے لیے آمیزہ بناتے ہیں، مگر پانی نہ ڈالیں کہ یہ آمیزہ دہی ڈال کر بنتا ہے اور سخت رکھا جاتا ہے، یعنی پیسٹ نرم نہ ہو۔
اس کے بعد تھوڑی دیر رکھا رہنے دیں، پیاز پانی چھوڑ دے گی اور پیسٹ نرم ہو جائے گا، اب پکوڑے بنا کر تل لیں اور سنہرا ہونے پر نکال کر گرما گرم کھانے کے لیے پیش کردیں۔
مزید خبریں :
روزے کی حالت میں تھوک اور خون کو نگلنا
4 گھنٹے پہلے
کرک میں سوئی گیس آفس اور تھانوں پر حملے، 2 اہلکار شہید
10 گھنٹے پہلے
