17 مارچ ، 2025 
او جی ڈی سی ایل نے اٹک میں گیس کے نئے ذخائر دریافت کرلیے
17 مارچ ، 2025
آئل اینڈ گیس ڈیولپمنٹ کمپنی لمیٹڈ (و جی ڈی سی ایل) نے اٹک میں گیس کے نئے ذخائر دریافت کرلیے۔
ترجمان کے مطابق او جی ڈی سی ایل پنجاب کے ضلع اٹک کے سوغری بلاک میں سوغری نارتھ-ون کنویں سے گیس اور کنڈینسیٹ کی دریافت کا اعلان کیا ہے۔
او جی ڈی سی ایل اس بلاک کی واحد لائسنس ہولڈر ہے اور 100 فیصد ورکنگ انٹرسٹ رکھتی ہے۔
تفصیلات کے مطابق کنویں کی کھدائی21 مئی 2024 کوشروع ہوئی اور 4 ہزار 942 میٹر کی گہرائی پر گیس دریافت ہوئی، ابتدائی ٹیسٹنگ کے بعد کنویں سے 13.95 ملین مکعب فٹ یومیہ (ایم ایم ایس سی ایف ڈی) گیس اور 430 بیرل یومیہ کنڈینسیٹ حاصل ہوا۔
ترجمان کے مطابق یہ دریافت پاکستان کے توانائی کے مقامی وسائل میں اضافے اور درآمدات پر انحصار کم کرنے میں مددگار ثابت ہوگی۔
مزید خبریں :
ملک میں سونے کی قیمت تاریخی بلندی پر پہنچ گئی
17 مارچ ، 2025
حکومت نے پیٹرول پر لیوی میں 10 روپے فی لیٹر اضافہ کردیا
16 مارچ ، 2025
پاکستان میں سونے کی قیمت میں معمولی کمی
15 مارچ ، 2025
چینی کے تھوک ریٹ میں 10 روپے فی کلو کمی
15 مارچ ، 2025
