18 مارچ ، 2025 
جرائم
گزشتہ روزپولٹری کا کاروبار کرنے والا شہری بینک میں رقم جمع کرانے کے لیے نکلا تھا: پولیس/ فائل فوٹو
کورنگی میں ڈاکو شہری سے 25 لاکھ لیکر فرار، فائرنگ سے سکیورٹی گارڈ جاں بحق
18 مارچ ، 2025
کراچی :کورنگی میں گزشتہ روز ڈاکوؤں نے پولٹری کا کاروبار کرنے والے شہری سے 25 لاکھ روپے لوٹ لیے۔
پولیس کے مطابق گزشتہ روزپولٹری کا کاروبار کرنے والا شہری بینک میں رقم جمع کرانے کے لیے نکلا تھا، کورنگی نمبر 6 میں بڑے ہتھیاروں سے لیس ڈاکوؤں نے گاڑی پر فائرنگ کی جس سے کار میں موجود سکیورٹی گارڈ زخمی ہوا۔
پولیس کا کہنا ہےکہ ملزمان 25 لاکھ روپے چھین کر فرار ہوگئے جب کہ سکیورٹی گارڈ سر میں گولی لگنے سے بری طرح زخمی ہوگیا جو دوران علاج چل بسا۔
