18 مارچ ، 2025
امریکی ڈرائیور نے گرم کافی گرنے پر کمپنی کے خلاف مقدمے میں ہرجانے کی 5کروڑ امریکی ڈالر کی رقم جیت لی۔
غیر ملکی میڈیا کے مطابق امریکی ریاست کیلی فورنیا سے تعلق رکھنے والے ایک ڈرائیور نے دکان سے گرما گرم کافی خریدی جو اس کے جسم پر گرگئی۔
میڈیا رپورٹس کے مطابق کافی گرنے کی وجہ سے شہری کو تھرڈ ڈگری برن کا سامنا کرنا پڑا تھا جس پر ڈرائیور نے کافی فروش کمپنی پر مقدمہ دائر کیا تھا۔
میڈیا رپورٹس میں مزید بتایا گیا کہ عدالت نے کافی کمپنی کو متاثرہ شہری کو ہرجانہ ادا کرنے کا حکم دیا اوریوں ڈرائیور نے 5کروڑ امریکی ڈالر یعنی تقریباً 14 ارب روپے سے زائد کی رقم جیت لی۔