18 مارچ ، 2025 
پاکستان
فوٹو: فائل
پیشہ ور گداگروں کا سیزن عروج پر، بھکاریوں نے اسلام آباد انٹرنیشنل ائیرپورٹ کا رخ کرلیا
18 مارچ ، 2025
پیشہ ور گداگروں کا سیزن عروج پر ہے اور پیشہ ور بھکاریوں نے اسلام آباد انٹرنیشنل ائیرپورٹ کا رخ کرلیا۔
وزیٹر کا بھیس بدل کر ائیرپورٹ میں داخل ہونے والے گداگروں نے بیرون ملک سے آنے والے مسافروں کو تنگ کرنا شروع کردیا۔
ائیرپورٹ کے پارکنگ ایریا اور انٹرنیشنل ارائیول لاؤنج کے سامنے خواتین گداگروں کی بڑی تعداد موجود رہتی ہے۔
ائیر پورٹ انتظامیہ کے مطابق گداگروں کے خلاف روزانہ کی بنیادوں پر ویجلنس ٹیمیں آپریشن کررہی ہیں، ویجلنس ٹیم گداگروں کو پکڑ کر پولیس کے حوالے کردیتی ہے۔
ائیرپورٹ منیجر کے مطابق ایک ہفتے میں 30 سے زائد گداگروں کے خلاف کارروائی کی گئی۔
