18 مارچ ، 2025 
سوشل میڈیا پر منفی پروپیگنڈا کیس: پی ٹی آئی کا کوئی رہنما جے آئی ٹی کے سامنے پیش نہ ہوا
18 مارچ ، 2025
سوشل میڈیا پر منفی پروپیگنڈا کیس میں پاکستان تحریک انصاف (پی ٹی آئی) کا کوئی رہنما جوائنٹ انویسٹی گیشن ٹیم (جے آئی ٹی) کے سامنے پیش نہ ہوا۔
جے آئی ٹی نے شیخ وقاص، عون عباس، فردوس شمیم نقوی سمیت پی ٹی آئی کے 16 ارکان کو طلب کیا تھا۔
ذرائع کے مطابق جے آئی ٹی انتظار کرتی رہی لیکن طلب کیے گئے پی ٹی آئی رہنماؤں میں سے کوئی بھی جے آئی ٹی میں پیش نہ ہوا۔
جے آئی ٹی نے علیمہ خان کو بھی 19 مارچ کو طلبی کا نوٹس جاری کر رکھا ہے جبکہ علیمہ خان 14 مارچ کو طلبی کے باوجود پیش نہیں ہوئی تھیں۔
اس سے قبل بیرسٹر گوہر، رؤف حسن اور شاہ فرمان جے آئی ٹی کے سامنے پیش ہوچکے ہیں۔ خیال رہے کہ پی ٹی آئی ارکان کے خلاف ریاست مخالف پروپیگنڈے کےحوالے سے تحقیقات کی جا رہی ہیں۔
وفاقی حکومت کی قائم جے آئی ٹی کی سربراہی آئی جی اسلام آباد کررہے ہیں اور جےآئی ٹی الیکٹرانک جرائم کی روک تھام کے ایکٹ2016 کے تحت بنائی گئی ہے۔
مزید خبریں :
یوم پاکستان پریڈ محدود پیمانے پر کرنے کا فیصلہ
4 گھنٹے پہلے
آج افطاری میں بنائیے کچھ نیا ’کرنچی گارلک چکن‘
3 گھنٹے پہلے
بے ریش لڑکوں کو اعتکاف سے روکنا کیا ٹھیک ہے؟
4 گھنٹے پہلے
