19 مارچ ، 2025 
کراچی میں عید الفطر پر موسم کیسا رہے گا؟ محکمہ موسمیات کی پیشگوئی
19 مارچ ، 2025
کراچی میں آئندہ 24 گھنٹوں کے دوران موسم گرم اور مرطوب رہنےکا امکان ہے۔
محکمہ موسمیات کے مطابق آئندہ 24 گھنٹوں میں شہر کا زیادہ سےزیادہ درجہ حرارت 33 سے 35 ڈگری سینٹی گریڈ تک جاسکتا ہے اور شہر میں سمندری ہوائیں 6 کلومیٹر فی گھنٹہ کی رفتار سے چل رہی ہیں جب کہ ہوا میں نمی کا تناسب 68 فیصد ہے۔
محکمہ موسمیات کا کہنا ہے کہ پچھلے24 گھنٹوں میں کم سے کم درجہ حرارت 21 ڈگری سینٹی گریڈ رہا۔
محکمہ موسمیات کا بتانا ہے کہ جمعہ سے کراچی میں درجہ حرارت میں مزید اضافے کا امکان ہے اور اس دوران درجہ حرارت 37 سے 38 ڈگری سینٹی گریڈ تک رہ سکتا ہے۔
جمعہ سے شہر کا موسم گرم اور خشک رہنے کا امکان ہے، دن میں شمال مغرب سے گرم اور خشک ہوائیں چل سکتی ہیں،شام میں سمندری ہوائیں بحال ہونے کا امکان ہے جب کہ 25 مارچ سے درجہ حرارت میں کمی کا امکان ہے۔
محکمہ موسمیات کے مطابق عید کے دنوں میں درجہ حرارت 34 سے 36 ڈگری سینٹی گریڈ تک رہنے کا امکان ہے۔
مزید خبریں :
یوم پاکستان پریڈ محدود پیمانے پر کرنے کا فیصلہ
4 گھنٹے پہلے
آج افطاری میں بنائیے کچھ نیا ’کرنچی گارلک چکن‘
3 گھنٹے پہلے
بے ریش لڑکوں کو اعتکاف سے روکنا کیا ٹھیک ہے؟
4 گھنٹے پہلے
