19 مارچ ، 2025 
59 سالہ درزن یوٹیوب سے ٹپس سیکھ کر ماؤنٹ ایورسٹ کے بیس کیمپ پر پہنچ گئی
19 مارچ ، 2025
بھارتی ریاست کیرالہ سے تعلق رکھنے والی ایک خاتون بغیر کسی تربیت کے اکیلے ماؤنٹ ایورسٹ کے بیس کیمپ پر پہنچ گئی۔
غیر ملکی میڈیا کے مطابق 59 سالہ خاتون کا نام وسنتی چیروویٹی ہے جو پیشے کے اعتبار سے ایک درزن ہے۔
میڈیا رپورٹس کے مطابق خاتون کو پہاڑ پر چڑھنے کا نہ کوئی طریقہ معلوم تھا اور نہ ہی کوئی تربیت تھی لیکن خاتون کو دنیا کے سب سے بلند پہاڑ پر چڑھنے کا شوق تھا جس کیلئے وہ یوٹیوب پر ٹریکنگ ٹپس دیکھتی تھی، صرف اتنا ہی نہیں بلکہ خاتون نے ہندی زبان بھی سیکھی۔
میڈیا رپورٹس میں بتایا گیا ہے کہ خاتون نے اپنا شوق پورا کرنے کیلئے 4 مہینے کی سخت محنت کے بعد خود کو تیار کیا، اس دوران خاتون 3 گھنٹے واک کرتی تھیں۔
خاتون نے ٹریکنگ کی بنیادی تکنیکوں میں مہارت حاصل کرنے کے بعد گزشتہ ماہ کی 15 تاریخ کو نیپال سے اپنے سفر کا آغاز کیا اور وہ 23 فروری کو ماؤنٹ ایورسٹ کے بیس کیمپ پرپہنچ گئی۔
خاتون 5 ہزار 364 میٹر اونچے ایورسٹ بیس کیمپ پر روایتی کیرالہ 'کاسوو' ساڑھی پہن کر چڑھی تھی جس کی تصویر سوشل میڈیا پر بھی وائرل ہورہی ہے جب کہ اس دوران خاتون کو کئی مشکلات کا سامنا بھی رہا جس میں جرمن جوڑے کی مدد بھی حاصل رہی۔
میڈیا رپورٹس کے مطابق خاتون اب چین کی عظیم دیوار کا دورہ کرنے کا ارادہ رکھتی ہے۔
مزید خبریں :
چاند سے سورج گرہن کا دنگ کر دینے والا نظارہ دیکھیں
16 مارچ ، 2025
دنیا کا سب سے بڑا سانپ کون سا اور اسکی لمبائی کتنی ہے؟
15 مارچ ، 2025
کسی جگہ لگے ٹو وے مرر کو آپ کو کیسے شناخت کرسکتے ہیں؟
14 مارچ ، 2025
بغیر بتائے ماں کو گھر دلانے پر امریکی خاتون نے منگنی توڑ دی
14 مارچ ، 2025
