انٹرٹینمنٹ

جرمن ڈائریکٹر نے سلمان خان کے ساتھ کام کا ناخوشگوار تجربہ شیئر کردیا

20 مارچ ، 2025

جرمن ڈائریکٹر نے سلمان خان کے ساتھ کام کا ناخوشگوار تجربہ شیئر کردیا — ڈائریکٹر مشیل سلمان خان سمیت کئی فلم پروڈیوسرز اور اداکاروں کیساتھ کام کرچکی ہیں/فوٹوبھارتی میڈیا

ماضی میں متعدد بالی وڈ اسٹارز کے ساتھ کام کرنے والی جرمن ہدایتکار مشیل نے سلمان خان کی پیشہ ورانہ مہارت کو تنقید کا نشانہ بناتے ہوئے انکشاف کیا ہے کہ وہ سیٹ پر 7 ، 7گھنٹے انتظار کرواتے ہیں۔

بھارتی میڈیا رپورٹس کے مطابق غیر ملکی ڈائریکٹر مشیل سلمان خان سمیت کئی فلم پروڈیوسرز اور اداکاروں کے ساتھ کام کرچکی ہیں اور یہی نہیں جرمن ڈائریکٹر نے ماضی میں 10سال بھارت میں گزارے ہیں۔

بھارتی میڈیا کے مطابق ڈائریکٹر مشیل نے ایک ڈاکومینٹری فلم میں سلمان خان کے ساتھ کام کا ناخوشگوار تجربہ شیئر کیا ہے ۔

یہ بھی پڑھیں

ویڈیو بیان میں جرمن ڈائریکٹر کا کہنا تھا کہ ’میں نے کئی مشہور شخصیات کے ساتھ کام کیا جن میں سے کچھ شخصیات کی پیشہ ورانہ مہارتیں سوالیہ نشان ہیں، جیسے کہ سلمان خان جو ہمیں سیٹ پر 7 گھنٹے تک باآسانی سے انتظار کرواتے تھے اور جب ہم یہ جان گئے اس کے بعد ہم جب بھی ان کے ساتھ شوٹنگ کرتے اپنادوسرا کام بھی سیٹ پر لے جاتے کیونکہ ہمیں معلوم تھا ہم سارا دن وہاں بیٹھے رہیں گے اور شاید سیٹ پر کوئی نہیں جانتا تھا کہ وہ کب آئیں گے‘۔

مشیل کا بتانا تھا ’اسی دستاویزی فلم کیلئے میرا شاہ رخ خان کے ساتھ کام کا تجربہ اچھا رہا، میں نے ڈاکومینٹری کیلئے شاہ رخ کو ڈائریکٹ کیا وہ اچھے انسان ہیں ‘۔

جرمن ہدایتکار نے بتایا کہ انہوں نے عالیہ بھٹ کے ساتھ ایک اشتہار کے لیے بھی کام کیا وہ بے حد کول اور پروفیشنل ہیں۔