20 مارچ ، 2025 
کراچی: بیٹی سے زیادتی کے ملزم کو عدالت نے سزا سنادی
20 مارچ ، 2025
کراچی: ایڈیشنل ڈسٹرکٹ اینڈ سیشن جج وسطی کی عدالت نے سگی بیٹی سے جنسی زیادتی کرنے کا الزام ثابت ہونے پر ملزم کو 25 سال قید کی سزا سنادی۔
عدالت نے ملزم پر 2 لاکھ روپے جرمانہ اور دھمکیاں دینے پر مزید 7 سال قید بامشقت کی سزا بھی سنائی۔
پراسیکیوٹر حنا ناز کے مطابق 2020 میں ملزم نے اپنے گھر میں سگی بیٹی کو جنسی زیادتی کا نشانہ بنایا، بیٹی نے ماں کو واقعہ بتایا لیکن کوئی ایکشن نا ہوا۔
ملزم نے معتدد بار بیٹی کو جنسی زیادتی کا نشانہ بنایا، چند ماہ بعد بیٹی نے ایک بچے کو جنم دیا، لڑکی نے ماں کو بتایا کہ یہ بچہ اس کے باپ کا ہے تو اس نے اپنے شوہر کو مارا۔
پراسیکیوٹر نے مزید بتایا کہ لڑکی نے فیس بک پر دوستی کے دوران وارث نامی شخص کو سب واقعہ بتایا، وارث سب کچھ سننے کے بعد لڑکی سے شادی پر رضا مند ہوگیا۔
شادی کے بعد متاثرہ خاتون نے شوہر وارث کے ساتھ باپ کے خلاف تھانہ نیو کراچی میں مقدمہ درج کروایا اور عدالت میں اپنے بیان میں باپ کو ملزم قرار دیا۔
عدالت نے ریمارکس میں کہا کہ ملزم کے خلاف جرم ڈی این اے سے بھی ثابت ہوتا ہے۔
مزید خبریں :
کراچی: جمالی گوٹھ میں 10سالہ بچے کی پھندا لگی لاش ملی ہے
19 مارچ ، 2025
