انٹرٹینمنٹ

’عالیہ میری پہلی بیوی نہیں‘، رنبیر کے انکشاف پر مداح حیران پریشان

21 مارچ ، 2025

’عالیہ میری پہلی بیوی نہیں‘، رنبیر کے انکشاف پر مداح حیران پریشان — اس لڑکی کو پاگل تو نہیں کہوں گاکیونکہ پاگل منفی طور پر استعمال کیا جاتا ہے: بالی وڈ اسٹار کی میڈیا سے گفتگو/ فائل فوٹو

بالی وڈ کے چاکلیٹی ہیرو رنبیر کپور نے دلچسپ انکشاف کیا ہے کہ اداکارہ عالیہ بھٹ ان کی پہلی بیوی نہیں کیوں کہ وہ اپنی پہلی بیوی ایک پراسرار مداح کو سمجھتے ہیں۔

حال ہی میں بھارتی میڈیا سے گفتگو کے دوران رنبیر کپور نے یہ دلچسپ انکشاف کیا جس کی وضاحت کیلئے انہوں نے اپنی ’پہلی اہلیہ ‘ اور اس کی شادی سے متعلق ایک مضحکہ خیز کہانی بھی شیئر کی ۔

رنبیر کپور نے بتایا کہ عالیہ بھٹ میری پہلی بیوی نہیں ہیں کیوں کہ میں اپنی پہلی بیوی ایک ایسی پراسرار مداح کو سمجھتا ہوں جس سے میں آج تک نہیں ملا۔

یہ بھی پڑھیں

اس پراسرار مداح سے متعلق رنبیر نے بتایا کہ ’ اس لڑکی کو پاگل تو نہیں کہوں گاکیونکہ پاگل منفی طور پر استعمال کیا جاتا ہے لیکن مجھے یاد ہے کیرئیر کے ابتدائی سالوں میں ایک لڑکی جس سے میں کبھی نہیں ملا میرے گھر کے دروازے تک آگئی تھی‘۔

رنبیر کپور کے مطابق ’ اس بنگلے میں، میں اپنے والدین کے ساتھ رہائش پذیر تھا، ایک مرتبہ مجھے وہاں کے چوکیدار نے بتایا کہ ایک لڑکی پنڈت کے ساتھ آئی تھی اور اس نے میرے گیٹ پر شادی کی تھی، اس روز میرے گیٹ پر ٹیکا اور کچھ پھول بھی پڑے تھے لیکن میں گھر پر نہیں تھا‘۔

اداکار نے مزید بتایا کہ ‘میں ابھی تک اپنی پہلی بیوی سے نہیں ملا لیکن میں اس سے ملاقات کا منتظر ہوں‘۔

یاد رہے کہ رنبیر کپور اپریل 2022میں اداکارہ عالیہ بھٹ کے ساتھ شادی کے بندھن میں بندھے تھے اس جوڑے کی ایک بیٹی راہا ہے۔