بکنگھم پیلس سے 4 گنا کشادہ گھر، سونے کی دیواریں، کس سابق بھارتی کرکٹر کی اہلیہ کی ملکیت ہے؟

بھارت کی امیر ترین شخصیات اور مہنگے ترین گھروں کا ذکر ہو تو مکیش اور نیتا امبانی کا نام ذہن میں آتا ہے۔

 لیکن کیا آپ جانتے ہیں بھارت میں ایک ایسی خاتون بھی ہیں جن کے گھر کے سامنے مکیش امبانی کا انٹیلیا معمولی سا لگتا ہے کیوں کہ اس خاتون کا گھر برطانوی محل بکنگھم پیلس سے بھی 4 گنا بڑا ہے۔

لکشمی ولاس پیلس: مالیت 25ہزار کروڑ بھارتی روپے

بھارتی میڈیا کے مطابق یہ خوبصورت اور مہنگا ترین گھر بھارت کی ترقی پسند مہارانیوں میں شامل رادھیکا راجے گائیکواڑکی ملکیت ہے  جس کی شادی بڑوداکے مہاراجہ اور گائیکواڑ خاندان کی شاہی اولاد سمرجیت سنگھ گائیکواڑ سے ہوئی۔

 شادی کے بعد یہ جوڑا شاہی ورثے کی علامت اور شاندار لکشمی ولاس پیلس (بڑودا پیلس ) میں رہائش پذیر ہوا جس کی قیمت اس وقت تقریباً 25ہزار کروڑ بھارتی روپے بتائی گئی  ہے۔

دنیا کی سب سے مہنگی نجی رہائشگاہ 

لکشمی ولاس پیلس کو دنیا کی سب سے مہنگی نجی رہائشگاہ تسلیم کیا جاتا ہے جو کہ برطانوی محل بکنگھم پیلس سے چار گنا بڑی ہے یہاں تک کہ اس کے مقابلے میں مکیش امبانی کے اینٹیلیا کو معمولی تسلیم کیا جاتا ہے۔

بھارتی میڈیا کے مطابق گائیکواڑ خاندان 1700 کی دہائی میں بڑودا پر حکومت کرچکا ہے سمرجیت سنگھ گائیکواڑ شاہی خاندان کی نسبت سے ہونے کے ساتھ ساتھ بھارت کے سابق کرکٹر اور کرکٹ ایڈمنسٹریٹر بھی ہیں جنہوں نے رانجی ٹرافی میں ریاست کی نمائندگی کی،  2013 میں گائیکواڑ خاندان کا یہ شاہی ورثہ تصفیے کے طور  سمرجیت سنگھ گائیکواڈ اور ان کی اہلیہ  کے حصے میں آیا تب  سے وہ اور  رادھیکاراجے اپنے خاندان  کے ساتھ اس محل میں رہ رہے ہیں۔

دوسری جانب رادھیکاراجے گائیکواڑ  کا تعلق ونکانیر کے شاہی خاندان سے ہے وہ ڈاکٹر ایم کے رنجیت سنگھ جھالا کی بیٹی ہیں۔

لکشمی ولاس کو  کب اور کتنی رقم میں تعمیر کیا گیا ؟

بھارتی شہر  وڈوڈارا میں قائم لکشمی ولاس محل  1890 میں گائیکواڑ شاہی خاندان کے مہاراجہ سیاجی راؤ گائیکواڑ III نے تعمیر کروایا تھا، اس شاندار محل کی تعمیر پر اس وقت تقریباً 25لاکھ  بھارتی روپے کی لاگت آئی ہے۔

700 ایکڑ پر پھیلے ہوا  4  منزلہ محل  170  خوبصورت کمروں پر مشتمل ہے جو   مہاراجہ اور مہارانی کے خصوصی استعمال کے لیے تعمیر کیے گئے تھے۔ اس محل کے  چاروں اطراف  خوبصورت باغات ہیں، یہی نہیں اس محل میں  گھوڑے کا ایک وسیع عریض اسطبل ، ایک سوئمنگ پول اور ایک نجی گولف کورس سمیت  موتی باغ محل، مہاراجہ فتح سنگھ میوزیم، اور بینکوئٹس اور کنونشن جیسی شاہی عمارتیں بھی قائم  ہیں۔

 گائیکواڑ خاندان کی مجموعی مالیت

اگرچہ گائیکواڑ خاندان کی مجموعی مالیت کا سرکاری طور  پر اندازہ نہیں لگایا جاسکا ہے  تاہم رپورٹس اس خاندان کی مجموعی مالیت 20 ہزار کروڑ بتاتی ہیں۔