23 مارچ ، 2025 
دنیا
استنبول اور ازمیر میں مظاہرین اور پولیس میں جھڑپیں ہوئیں جس دوران 300 مظاہرین کو گرفتار بھی کیا گیا/ فوٹو: غیر ملکی میڈیا
ترکیے میں میئر استنبول کی گرفتاری کیخلاف تیسرے روز بھی مظاہرے جاری
23 مارچ ، 2025
ترکیے: میئر استنبول اکرم اوگلو کی گرفتاری کے خلاف ترکیے کے مختلف شہروں میں مظاہرے جاری ہیں۔
غیر ملکی میڈیا کے مطابق اکرم اوگلو کی گرفتاری کے خلاف تیسرے روز بھی ترکیے کے مختلف شہروں میں مظاہرے کیے گئے۔
رپورٹ کے مطابق استنبول اور ازمیر میں مظاہرین اور پولیس میں جھڑپیں ہوئیں، ازمیر میں پولیس نے مظاہرین پر شیلنگ کی، ربڑکی گولیاں اور پانی کی توپ چلا دی جبکہ 300 سے زائد مظاہرین گرفتار کر لیے گئے۔
دوسری جانب عدالتی دستاویز کے مطابق میئر استنبول نے بدعنوانی سمیت تمام الزامات مسترد کردیے ۔
واضح رہے میئر استنبول کو بدھ کے دن مبینہ بدعنوانی اور دہشت گردی کے الزامات میں حراست میں لیا گیا تھا۔
