23 مارچ ، 2025 
فلم ویلکم کے سیٹ پر میری توجہ حاصل کرنے کیلئے انیل کپور اور نانا پاٹیکر جھگڑا کرتے تھے، ملیکہ شیراوت
23 مارچ ، 2025
بھارت: بالی وڈ اداکارہ ملیکہ شیراوت نے انکشاف کیا ہے کہ ہٹ فلم 'ویلکم' کے سیٹ پر میری توجہ حاصل کرنے کے لیے نانا پاٹیکر اور انیل کپور جھگڑا کرتے تھے۔
ملیکہ شیراوت نے حال ہی میں راجکمار راؤ اور ترپتی ڈمری کے ساتھ 'وکی ودیا کا وہ والا ویڈیو' کے ساتھ فلموں میں واپسی کی ہے۔
ایک یوٹیوب چینل کو دیے گئے انٹرویو میں انہوں نے اپنی ماضی کی فلموں کے حوالے سے بات کی اور 2007 میں ریلیز ہونے والی رومانوی کامیڈی فلم 'ویلکم' کے سیٹ پر ہونے والے مزاحیہ قصوں کا تذکرہ بھی کیا۔
فلم 'ویلکم' کے سیٹ کا ایک قصہ سناتے ہوئے انہوں نے بتایا کہ اداکار انیل کپور اور سینئر اداکار نانا پاٹیکر میری توجہ حاصل کرنے کیلئے جھگڑا کرتے تھے اور میں خود کو بہت خاص محسوس کرتی تھی، وہ دونوں بہت اچھے انسان اور اداکار ہیں۔
انہوں نے یہ بھی بتایا کہ فلم کی شوٹنگ دبئی میں ہوئی تھی جہاں بہت گرمی تھی اور ہمارا میک اپ بھی خراب ہو رہا تھا لیکن اس بات کی کسی کو بھی فکر نہیں تھی، بس ہر کوئی جلد سے جلد شوٹنگ مکمل کرکے گھر جانا چاہتا تھا۔
فلم 'ویلکم' کی کاسٹ میں اداکار انیل کپور، اکشے کمار، نانا پاٹیکر، اداکارہ کترینہ کیف اور ملیکہ شیراوت سمیت دیگر اداکار بھی شامل تھے، فلم کی کامیابی کے بعد ' ویلکم بیک' کے نام سے اس فلم کا سیکوئل بھی بنایا گیا جو 2015 میں ریلیز ہوا تھا۔
مزید خبریں :
بریانی میں فروٹ چاٹ ملا کر کھاتی ہوں: حرامانی
12 گھنٹے پہلے
’سُشانت کو خودکشی پر مجبور نہیں کیا گیا‘، 4 سال بعد کیس بند
23 مارچ ، 2025
معاوضہ نہ دینے والے ہدایتکاروں کے ساتھ ریکھا کیا کرتی تھیں؟
22 مارچ ، 2025
