24 مارچ ، 2025 
پاکستان
ملتان، ڈیرہ غازی خان، راجن پور،بہاولپور، خانیوال، لیہ، بھکر، ساہیوال اور پاکپتن میں بھی بارش کا امکان ہے: پی ڈی ایم اے/ فائل فوٹو
25 سے 27 مارچ کے دوران پنجاب کے بیشتر اضلاع میں بارشوں کا امکان
24 مارچ ، 2025
لاہور: محکمہ موسمیات نے 25 سے 27 مارچ کے دوران پنجاب کے بیشتر اضلاع میں بارشوں کی پیشگوئی کی ہے۔
پنجاب ڈیزاسٹر مینجمنٹ اتھارٹی (پی ڈی ایم اے) کے مطابق 25 سے 27 مارچ کے دوران صوبے کے بیشتر اضلاع میں بارشوں کا امکان ہے۔
پی ڈی ایم اے کے مطابق راولپنڈی، جہلم، اٹک، چکوال، سرگودھا، میانوالی، خوشاب، منڈی بہاوالدین، شیخوپورہ، حافظ آباد،گجرانوالہ،گجرات،سیالکوٹ، نارووال،فیصل آباداور ٹوبہ ٹیک سنگھ میں بارشوں کا امکان ہے۔
ترجمان پی ڈی ایم اے کے مطابق ملتان، ڈیرہ غازی خان، راجن پور،بہاولپور، خانیوال، لیہ، بھکر، ساہیوال اور پاکپتن میں بھی بارش کا امکان ہے۔
پی ڈی ایم اے کے مطابق مری،گلیات سمیت دیگر پہاڑی علاقوں میں بارش اور برفباری کی پیشگوئی بھی کی ہے۔
