25 مارچ ، 2025 
شاہین اور شاداب کی کارکردگی نے ٹیم انتظامیہ کو سوچنے پر مجبورکردیا
25 مارچ ، 2025
ٹی ٹوئنٹی انٹرنیشنل سیریز میں1-3 سے شکست کے بعد پاکستانی ٹیم انتظامیہ ویلنگٹن میں پانچویں میچ میں کچھ تبدیلیوں پر غور کر رہی ہے۔
شاہین شاہ آفریدی اور شاداب خان جیسے سینئرز کی کارکردگی تشویش کا باعث ہے جس نے ٹیم انتظامیہ کو سوچنے پر مجبور کردیا ہے۔
شاداب خان کو اچانک کم بیک کراکر نائب کپتان بنایا گیا، وہ 4 میچوں میں محض 30 رنز بناسکے جب کہ انہوں نے 11 اوورز کرائے اور110رنز دے کر ایک وکٹ لی۔
شاہین شاہ آفریدی کی فارم بھی پریشان کن ہے۔ انہوں نے 4 میچوں میں13 اوورز کرائے اور 133رنز دے کر 66.50کی اوسط سے 2 وکٹ حاصل کیں جب کہ حارث رؤف 9.50 کی اوسط سے8 وکٹیں لے کر نمایاں ہیں۔
بیٹنگ میں 4 میچز میں پاکستان کی جانب سے سلمان آغا116 اور حسن نواز 106 رنز کے ساتھ نمایاں ہیں۔ پاکستان نے سیریز میں عمیر بن یوسف، سفیان مقیم اور عثمان خان کو موقع نہیں دیا ہے۔
اُدھر سابق کپتان شاہد آفریدی نے آخری میچ میں شاہین شاہ آفریدی اور نائب کپتان شاداب خان کو آرام دینے کی تجویز دی ہے۔
شاہد آفریدی نے سماجی رابطوں کی ویب سائٹ ایکس پر پوسٹ میں کہا کہ آخری میچ میں بینچ پر بیٹھےکھلاڑیوں کو آزمایا جائے، شاہین شاہ آفریدی اور شاداب خان کو آرام دیا جا سکتا ہے، پاکستان سیریز ہار چکا ہے۔ بہتر فیصلہ یہی ہوگا کہ باقی کھلاڑیوں کو بھی موقع دیا جائے۔
نیوزی لینڈ کے خلاف ٹی ٹوئنٹی سیریز کی کارکردگی پر ٹیم انتظامیہ پریشان ہے اور ماہرین تنقید کررہے ہیں۔
مزید خبریں :
ایران نے فیفا ورلڈکپ 2026 کیلئے کوالیفائی کرلیا
6 گھنٹے پہلے
بنگلادیشی عدالت کا کرکٹر شکیب الحسن کے اثاثے ضبط کرنے کا حکم
25 مارچ ، 2025
