26 مارچ ، 2025 
نیشنل ٹی ٹوئنٹی کپ: صاحبزادہ فرحان نے ٹی ٹوئنٹی کرکٹ کا نیا قومی ریکارڈ بنادیا
26 مارچ ، 2025
فیصل آباد: نیشنل ٹی ٹوئنٹی کپ میں پشاور ریجن کے ٹاپ آرڈر بیٹر صاحبزادہ فرحان نے ٹی ٹوئنٹی کرکٹ کا نیا قومی ریکارڈ بنادیا۔
صاحبزادہ فرحان نے نیشنل ٹی ٹوئنٹی کی 6 اننگز میں 588 رنز بنالیے ہیں۔ پشاور کی نمائندگی کرتے ہوئے صاحبزادہ فرحان نے قومی ٹی ٹوئنٹی کے ایک ایڈیشن میں سب سے زیادہ رنز کا ریکارڈ بنایا ہے۔
اس سے قبل بھی یہ ریکارڈ صاحبزادہ فرحان کے نام ہی تھا، صاحبزادہ فرحان نے پچھلے سیزن میں 12 اننگز میں 492 رنز بنائے تھے۔
آج فیصل میں کھیلےگئے میچ میں ایبٹ آباد ریجن کے خلاف صاحبزادہ فرحان نے 72 گیندوں پر 148 رنز بنائے، صاحبزادہ فرحان نے اپنی اننگز میں 12 چھکے اور 10 چوکے لگائے۔ انہوں نے اپنی سنچری 58 گیندوں پر 6 چھکوں اور 8 چوکوں کی مدد سے مکمل کی۔
صاحبزادہ فرحان نے ایک ٹی ٹوئنٹی ٹورنامنٹ کے ایڈیشن میں سب سے زیادہ رنز کا فخر زمان کا قومی ریکارڈ بھی برابر کردیا۔
فخر زمان نے پاکستان سپر لیگ 2022 کے ایڈیشن میں 13 اننگز کھیل کر 588 رنز بنائے تھے۔
نیشنل ٹی ٹوئنٹی کپ کے میچز جیوسوپر سے براہ راست نشر کیے جارہے ہیں۔
مزید خبریں :
لاہور قلندرز نے ڈیرن گف کی جگہ کسے نیا ہیڈ کوچ مقرر کیا ہے؟
29 مارچ ، 2025
پہلا ون ڈے: نیوزی لینڈ نے پاکستان کو 73 رنز سے شکست دے دی
29 مارچ ، 2025
