29 مارچ ، 2025 
پشاور میں کرکٹ بحالی کی کوششوں کو دھچکا، ارباب نیاز اسٹیڈیم پی ایس ایل نمائشی میچ کیلئے غیر مناسب قرار
29 مارچ ، 2025
پاکستان کرکٹ بورڈ (پی سی بی) کی پشاور میں کرکٹ کی بحالی کی کوششوں دھچکا لگ گیا۔
ذرائع کے مطابق ارباب نیاز اسٹیڈیم پشاور پی ایس ایل کے نمائشی میچ کے لیے غیر مناسب قرار دے دیا گیا۔
ارباب نیاز اسٹیڈیم پشاور میں 8 اپریل کو نمائشی میچ شیڈولڈ ہے۔ پی سی بی کی ریکی ٹیم نے سہولیات حوالے سے تحفظات کا اظہار کیا تھا اور پی سی بی نے عید کی چھٹیوں سے قبل تمام سہولیات کی دستیابی کا کہا تھا۔
ذرائع کے مطابق اسٹیڈیم کی دوسری منزل تماشائیوں کے میچ دیکھنے کے لیے تیار نہیں اور متعلقہ محکمے نے وقت پر ضروری کام مکمل کرنے سے معذوری ظاہر کی ہے۔
ذرائع کا کہنا ہے کہ نمائشی میچ کی میزبانی سے متعلق حتمی فیصلہ ایک دو دن میں کیا جائے گا اور نمائشی میچ پشاور سے منتقل کرنے کے قوی امکانات ہیں۔
مزید خبریں :
لیور پول نے انگلش پریمیئر لیگ کا ٹائٹل جیت لیا
28 اپریل ، 2025
پی ایس ایل 10 کے 2 میچ ری شیڈول کر دیےگئے
27 اپریل ، 2025
آئی پی ایل میں امپائرز کو ایک میچ کی کتنی فیس ملتی ہے؟
27 اپریل ، 2025
