28 مارچ ، 2025 
بی این پی کا لانگ مارچ اخترمینگل کی قیادت میں مستونگ پہنچ گیا
28 مارچ ، 2025
بلوچستان نیشنل پارٹی (مینگل) کا لانگ مارچ پارٹی کے سربراہ اخترمینگل کی قیادت میں مستونگ پہنچ گیا۔
سردار اختر مینگل کی قیادت میں بی این پی کا لانگ مارچ وڈھ سے شروع ہوا جو کوئٹہ کی جانب رواں دواں ہے۔
لانگ مارچ مستونگ پہنچ گیا۔ اس حوالے سے اختر مینگل کا کہنا تھاکہ رکاوٹوں کو عبور کرکے منزل پر پہنچ کر دھرنا دینگے، عوام گھروں میں بیٹھنے کے بجائے لانگ مارچ میں شرکت کریں، پرامن احتجاج کو حکومت سبوتاژ کرنے کی کوشش کر رہی ہے۔
ان کا کہنا تھا کہ دھرنا، ریلیاں اور مظاہرے کوئی شوق سے نہیں کرتا، مجبور ہوکریہ راستہ اختیار کیا جاتا ہے، پرامن طورپرلانگ مارچ کررہےپیں،رکاوٹیں کھڑی کی جارہی ہیں یہ نامناسب عمل ہے۔
اُدھر مستونگ کی انتظامیہ نے لکپاس ٹنل پر دو اطراف کنٹینرز لگا کر مکمل سیل کردیا۔ محکمہ داخلہ نے بلوچستان بھر میں پہلے سے دفعہ 144 نافذ کر رکھی ہے۔
دوسری جانب جیو نیوز سے بات چیت کرتے ہوئے رہنما بی این پی آغا حسن کا کہنا تھا کہ بی این پی نے کوئٹہ کی ضلعی انتظامیہ کو دھرنا دینےکی درخواست دی ہے لیکن ہماری درخواست کی ابھی تک شنوائی نہیں ہوئی۔
مزید خبریں :
صحافی فرحان ملک کو جوڈیشل ریمانڈ پر جیل بھیجنےکاحکم
1 گھنٹے پہلے
پاکستان میں غیر ملکی سفیر بھی عید کی خوشیوں میں شریک
5 گھنٹے پہلے
