02 اپریل ، 2025 
دنیا
اسرائیلی فوج جنوبی رفح سمیت غزہ میں اپنی زمینی کارروائیوں کو بڑھا رہی ہے: اسرائیلی میڈیا/فائل فوٹو
اسرائیل کی غزہ میں بمباری سے مزید 17 فلسطینی شہید
02 اپریل ، 2025
اسرائیلی فوج کی آج صبح غزہ میں بمباری سے 17 فلسطینی شہید ہوگئے۔
غیر ملکی میڈیا کے مطابق اسرائیلی فوج نے بدھ کی صبح غزہ پر تازہ حملے کیے جس میں کی جانے والی بمباری کے نتیجے میں 17 فلسطینی شہید ہوگئے۔
اسرائیلی میڈیا کا کہنا ہےکہ اسرائیلی فوج جنوبی رفح سمیت غزہ میں اپنی زمینی کارروائیوں کو بڑھا رہی ہے۔
گزشتہ روز بھی غزہ کی وزارت صحت نے 24 گھنٹوں میں 41 فلسطینیوں کی شہادت کی تصدیق کرتے ہوئے بتایا تھا کہ غزہ میں 18مارچ سےدوبارہ شروع ہونے والے اسرائیلی حملوں میں شہیدفلسطینیوں کی تعدادایک ہزار سے تجاوز کرگئی ہے۔
اس کے علاوہ غز ہ میں اکتوبر2023 سےاب تک اسرائیلی حملوں میں 50 ہزار 400 سے زائد فلسطینی شہید ہوچکے ہیں۔
