کھیل

سرفراز احمد کی شادی کی تاریخ 3 بار کیوں تبدیل ہوئی؟

03 اپریل ، 2025

سرفراز احمد کی شادی کی تاریخ 3 بار کیوں تبدیل ہوئی؟ — حال ہی میں نجی میڈیا سے گفتگو کے دوران سرفراز احمد نے دیگر دلچسپ موضوعات سمیت اپنی شادی پر بھی بات کی/فوٹوفائل

قومی کرکٹر ٹیم کے سابق کپتان سرفراز احمد نے انکشاف کیا ہے کہ ان کی شادی کی تاریخ 3 بار تبدیل کی گئی۔

حال ہی میں نجی میڈیا سے گفتگو کے دوران سرفراز احمد نے دیگر دلچسپ موضوعات سمیت اپنی شادی پر بھی بات کی۔

دوران گفتگو سرفراز احمد نے اعتراف کیا کہ پاکستان میں کرکٹ کی واپسی اور میری شادی ایک ساتھ ہوئی، یہ 2015 کا وقت تھا جب زمبابوے کی ٹیم پاکستان آئی تھی اور اسی دوران میری شادی ہوئی۔

یہ بھی پڑھیں

سرفراز احمد نے بتایا کہ 2015 میں زمبابوے کی ٹیم جب پاکستان آئی تو حالات ایسے تھے کہ کوئی میچ نہیں چھوڑاجاسکتا تھا اسی دوران میری شادی بھی تھی لیکن میں نے فیصلہ کیا تھا کہ شادی بھی کروں گا اور میچ بھی کھیلوں گا، یہی وجہ ہے کہ میری شادی کی تاریخیں بھی 3 بار تبدیل ہوئیں۔

سابق کپتان نے اہلیہ سے متعلق بات کرتے ہوئے بتایا کہ ’ بیگم نے میرے کیرئیر کے سارے اتار چڑھاؤ دیکھے، 2019 کے ورلڈکپ میں بیگم میرے ساتھ تھی، اس کے بعد بھی ہر موقع پر میری سپورٹ بن کر میرے ساتھ رہیں‘۔

سرفراز احمد نے مزید بتایا کہ ’ اہلیہ کو میں شادی سے پہلے سے جانتا تھا، میرے سسر کو بھی کرکٹ کا بہت شوق رہا ہے ان سے بڑی اچھی دوستی بھی ہے اور وہ میری کرکٹ کی تعریف بھی کرتے ہیں، ہماری شادی لو اور ارینج دونوں تھی جب کہ اہلیہ گلشن اقبال میں رہتی تھیں‘۔

یاد رہے کہ سرفراز احمد 2015 میں سید خوشبخت سے شادی کے بندھن میں بندھے تھے اور ان کا ایک بیٹا اور ایک بیٹی بھی ہے۔