Time 03 اپریل ، 2025
کھیل

پاکستان کو ایشین کرکٹ کونسل کی صدارت مل گئی

پاکستان کو ایشین کرکٹ کونسل کی صدارت مل گئی
اگلی مدت کے لیے اے سی سی کی صدارت پاکستان کے پاس رہے گی: ذرائع__فوٹو: فائل

پاکستان کو ایشین کرکٹ کونسل (اے سی سی) کی صدارت مل گئی۔

ایشین کرکٹ کونسل کی ایگزیکٹو کمیٹی کا ورچوئل اجلاس ہوا جس میں چیئرمین پی سی بی محسن نقوی نے شرکت کی۔

اے سی سی کے اعلامیے کے مطابق محسن نقوی نے ایشین کرکٹ کونسل کے نئے صدر کا عہدہ سنبھال لیا ہے۔

محسن نقوی فروری 2024 سے پی سی بی کے چئیرمین کی حیثیت سے ذمہ داریاں نبھائیں رہے ہیں۔  ان کی تقرری ایشیائی کرکٹ کے لیے قیادت کے ایک نئے باب کا آغاز ہے۔

محسن نقوی کا کہنا ہے کہ ایشین کرکٹ کونسل کی صدارت اعزاز ہے۔ ایشیا عالمی کرکٹ کے دل کی دھڑکن ہے، وہ تمام رکن بورڈز کے ساتھ مل کر کھیل کے فروغ  اور عالمی سطح پر اس کے اثر و رسوخ کو تیز کرنے کے لیے پرعزم ہیں، سب مل کر نئے مواقع پیدا کریں گے۔

محسن نقوی نے سری لنکا کے صدر شمی سلوا سے صدارت سنبھالی ہے۔

مزید خبریں :