04 اپریل ، 2025 
جنوبی افریقی فاسٹ بولر رباڈا اچانک آئی پی ایل چھوڑ کر وطن واپس کیوں چلے گئے؟
04 اپریل ، 2025
جنوبی افریقی فاسٹ بولر کاگیسو رباڈا اچانک انڈین پریمیئر لیگ(آئی پی ایل) چھوڑ کر وطن واپس روانہ ہوگئے۔
آئی پی ایل 2025 میں گجرات ٹائٹنز کی نمائندگی کرنے والے کاگیسو رباڈا 2 میچز کھیلنے کے بعد اچانک جنوبی افریقا چلے گئے۔
جنوبی افریقی فاسٹ بولر رباڈا کو گجرات ٹائٹنز نے آئی پی ایل 2025 کی میگا نیلامی میں 10 کروڑ 75 لاکھ بھارتی روپے میں خریدا تھا۔
فرنچائز گجرات ٹائٹنز نے جمعرات کو رباڈا کے آئی پی ایل چھوڑکر وطن واپسی کے حوالے سے باضابطہ اعلان کیا۔
بھارتی میڈیا کے مطابق گجرات ٹائٹنز نے ایک بیان میں کہا کہ رباڈا آئی پی ایل کے جاری سیزن سے ذاتی وجوہات کی بنا پر واپس جنوبی افریقا چلے گئے ہیں۔ وہ گجرات ٹائٹنز کے پہلے 2 میچز میں شامل تھے، لیکن اب وہ ایک اہم ذاتی معاملے کو حل کرنے کے لیے وطن واپس لوٹ گئے ہیں۔
فرنچائز نے رباڈا کی اچانک روانگی کی مزید تفصیلات فراہم نہیں کیں اور نہ ہی ان کی ممکنہ واپسی کے بارے میں کوئی اطلاع دی۔
رباڈا نے آئی پی ایل 2025 میں گجرات ٹائٹنز کی طرف سے اپنا ڈیبیو میچ پنجاب کنگز کے خلاف کھیلا، جس میں انہوں نے 4 اوورز میں 41 رنز دے کر 1 وکٹ حاصل کی۔ اس کے بعد انہوں نے ممبئی انڈینز کے خلاف42 رنز دے کر ایک وکٹ حاصل کی۔
یاد رہے کہ رباڈا نے 2017 میں آئی پی ایل ڈیبیو کیا۔ وہ دہلی کیپیٹلز اور پنجاب کنگز کے لیے کھیل چکے ہیں۔
رباڈا آئی پی ایل کے 82 میچز میں 119 وکٹیں حاصل کر چکے ہیں۔
مزید خبریں :
لاہور: پی ایس ایل 10 کی تشہیری مہم کا آغاز ہوگیا
04 اپریل ، 2025
پی ایس ایل 10 کے ٹکٹوں کی فروخت کا آغاز ہوگیا
03 اپریل ، 2025
پاکستان کو ایشین کرکٹ کونسل کی صدارت مل گئی
03 اپریل ، 2025
پاکستان کے سابق ٹیسٹ کرکٹر فاروق حمید انتقال کرگئے
03 اپریل ، 2025
سرفراز احمد کی شادی کی تاریخ 3 بار کیوں تبدیل ہوئی؟
03 اپریل ، 2025
ویمنز کرکٹ ورلڈکپ کوالیفائیر کیلئے میچ آفیشلز کا اعلان
03 اپریل ، 2025
