08 اپریل ، 2025 
جرائم
فیصل آباد: 14سال کی گھریلو ملازمہ سے مبینہ اجتماعی زیادتی، 4 افرادکیخلاف مقدمہ درج
08 اپریل ، 2025
فیصل آباد میں 14 سال کی گھریلو ملازمہ سے مبینہ اجتماعی زیادتی پر 4 افراد کے خلاف مقدمہ درج کرلیا گیا۔
پولیس رپورٹ کے مطابق تاندلیانوالہ کے علاقے کی رہائشی 14 سالہ متاثرہ لڑکی گزشتہ تین ماہ سے ایک گھر میں 15 ہزار روپے پر ملازمہ تھی، جسے مبینہ طور پر گھر کا مالک اپنی بیوی کے ساتھ مل کر نشہ آور چیز کھلا تا اور مبینہ طور پر زیادتی کا نشانہ بناتا رہا۔
پولیس نے متاثرہ لڑکی کے ماموں کی درخواست پر دونوں میاں بیوی اور متاثرہ لڑکی کو ملازمت کے لیے ان کے پاس لانے والی خاتون اور ایک اور شخص کے خلاف مقدمہ درج کرلیا۔
پولیس کے مطابق متاثرہ لڑکی کا میڈیکل کرایا جارہا ہے جب کہ ملزمان کی گرفتاری کے لیے چھاپے مارے جا رہے ہیں۔
مزید خبریں :
جوتا چوری ہونے پر شہری نے 15 پر کال کرکے پولیس بلالی
7 گھنٹے پہلے
خیرپور کی تحصیل میں کھیت سے صحافی کی لاش برآمد
10 اپریل ، 2025
ڈپٹی سپرنٹنڈنٹ ڈسٹرکٹ جیل شاہ پور راشن چوری کے الزام میں معطل
09 اپریل ، 2025
