08 اپریل ، 2025 
کینیڈا کی بیرک گولڈ نے پاکستان میں ریکوڈک منصوبے پر کام کرنے کی ہامی بھرلی
08 اپریل ، 2025
کینیڈا کی بیرک گولڈ کمپنی نے پاکستان میں سونے اور تانبے کے ذخائر نکالنے کے ریکوڈک منصوبے پر کام کرنے کی ہامی بھر لی۔
امریکی میڈیا کے مطابق بیرک گولڈ ریکوڈک منصوبے میں 3 ارب ڈالر کی سرمایہ کاری کرے گی، بیرک گولڈ کا ریکوڈک منصوبے میں پچاس فیصد حصہ ہوگا۔
امریکی میڈیا نے بتایاکہ باقی 50 فیصد حصہ حکومت پاکستان اور بلوچستان کے پاس ہوگا۔
امریکی میڈیا کا کہنا ہے کہ بیرک گولڈ کمپنی کے مطابق منصوبے کے پہلے حصے پر رواں برس سے کام شروع ہو جائے گا اور سال 2028 میں ریکوڈک منصوبے کی پہلی پروڈکشن متوقع ہے۔
دوسری جانب بیرک گولڈ کے صدر اور سی ای او بیرک گولڈ مارک برسٹو نے آج پاکستان منرلز انویسٹمنٹ فورم سے خطاب بھی کیا اور کہاکہ پاکستان معدنی وسائل کے باعث منفرد حیثیت رکھتا ہے، معدنیات کا حصول صنعت کیلئے بہت ضروری ہے۔
ان کا کہنا تھاکہ مستقبل میں معدنی وسائل ہی ترقی کا ذریعہ ہیں، معدنی وسائل کے ذخائر کسی بھی ملک کی پائیدار ترقی کیلئے اہم کرادار ادا کرتے ہیں۔
مزید خبریں :
سونے کی قیمت مزید کم ہوگئی
25 اپریل ، 2025
سونے کی فی تولہ قیمت میں کئی ہزار روپے کی کمی
23 اپریل ، 2025
بے نامی اتھارٹی گزشتہ 11 ماہ سے غیر فعال ہونے کا انکشاف
23 اپریل ، 2025
