09 اپریل ، 2025 
ٹاپ ہیرو جتنا معاوضہ وصول کرنیوالی بالی وڈ کی مہنگی ترین اداکارہ کون، کتنا معاوضہ لیتی ہیں؟
09 اپریل ، 2025
بالی وڈ اداکارہ دپیکا پڈوکون، عالیہ بھٹ اور نینتھارا کو ان دنوں انڈسٹری کی ٹاپ اور مہنگی اداکاراؤں کے طور پر جانا جاتا ہے لیکن حال ہی میں پریانکا چوپڑا کے ان تینوں اداکاراؤں سے بھی کئی گنا زیادہ معاوضہ لینے کا انکشاف سامنے آیا ہے۔
بھارتی میڈیا رپورٹ کے مطابق اداکارہ پریانکا چوپڑا نے ایک سیریز کے لیے 41 کروڑ بھارتی روپے اور اپنی آنے والی فلم کے لیے 30 کروڑ بھارتی روپے معاوضہ وصول کیا، اس انکشاف کے بعد پریانکا نے دیپیکا پڈوکون، عالیہ بھٹ حتٰی کہ ایشوریا رائے کو بھی پیچھے چھوڑتے ہوئے بھارت کی سب سے امیر ترین اداکارہ بننے کا اعزاز حاصل کرلیا ہے۔
یاد رہے کہ دیپیکا پڈوکون نے گزشتہ برس بیٹی دعا کی پیدائش سے قبل ریلیز ہوئی اپنی فلم ’کالکی 2898 AD‘ کیلئے 20 کروڑ بھارتی روپےمعاوضہ وصول کیا تھا جس کے بعد انھیں بھارت کی مہنگی ترین اداکارہ تسلیم کیا گیا تھا۔
اسی طرح عالیہ بھٹ نے2022 میں بیٹی ریا کی پیدائش کے بعد ریلیز ہونے والی فلم ’راکی اور رانی کی پریم کہانی‘ کیلئے 15 کروڑ جبکہ ساؤتھ انڈین انڈسٹری سے تعلق رکھنے والی اداکارہ نینتھارا جوانی کے لیے 12 کروڑ روپے، اور اپنی ’اناپورنی‘ کے لیے 11 کروڑ بھارتی روپے کا معاوضہ وصول کیا تھا۔
بات کی جائے اس وقت بھارت کی مہنگی ترین اداکارہ پریانکا چوپڑا کی تو انھوں نے ڈائریکٹر ایس ایس راجامولی کی فلم ’SSMB29‘ میں مرکزی کردار کے لیے 30 کروڑ بھارتی روپے کا معاوضہ وصول کیا ہے۔
بھارتی میڈیا کے مطابق پریانکا آئندہ دنوں ایس ایس راجامولی کی فلم میں تیلگو سپر اسٹار مہیش بابو کے ساتھ جلوہ گر ہوں گی۔
مزید خبریں :
فواد خان نے فلم ’عبیر گلال‘ کیلئے کتنے کروڑ معاوضہ لیا؟
17 اپریل ، 2025
اداکارہ انوشے اشرف کی شادی کی تقریبات شروع، شیندی کی تصاویر جاری
17 اپریل ، 2025
سیف علی خان حملہ کیس میں پیشرفت: پولیس چارج شیٹ میں اہم انکشاف
16 اپریل ، 2025
بڑی اولاد ہونے کا بوجھ زیادہ ہوتا ہے: اداکارہ سونیا حسین
16 اپریل ، 2025
