10 اپریل ، 2025 
رانی مکھرجی کو بالی وڈ میں متعارف کرانیوالے معروف فلم پروڈیوسر چل بسے
10 اپریل ، 2025
بالی وڈ کے سینیئر فلم پروڈیوسر سلیم اختر 82 سال کی عمر میں انتقال کر گئے۔
بھارتی میڈیا کے مطابق سلیم اختر کا انتقال 8 اپریل کو ممبئی کے اسپتال میں ہوا، ان کی نمازِ جنازہ بدھ 9 اپریل کو ادا کی گئی۔
اداکار راج ببر، رضا مراد اور شہباز خان اُن شخصیات میں شامل تھے جو سب سے پہلے سلیم اختر کی آخری رسومات میں شرکت کے لیے پہنچے۔
بھارتی میڈیا کے مطابق پروڈیوسر سلیم اختر نے 2 معروف اداکاراؤں کے کیریئر کی شروعات میں اہم کردار ادا کیا۔
سلیم اختر نے 1997 میں رانی مکھرجی کو فلم 'راجا کی آئے گی بارات' سے بالی وڈ میں متعارف کروایا، جو ان کی پہلی ہندی فلم تھی۔
بعد ازاں 2005 میں انہوں نے تمنا بھاٹیا کو 'چاند سا روشن چہرہ' کے ذریعے لانچ کیا۔ دونوں اداکاراؤں نے انڈسٹری میں مقبولیت حاصل کی۔
سلیم اختر کی خدمات بھارتی فلم انڈسٹری، خصوصاً 1980 اور 1990 کی دہائی میں بے حد نمایاں رہیں۔
ان کی پروڈیوس کردہ مشہور فلموں میں قیامت ، لوہا، بٹوارہ، پھول اور انگارے، بازی، چوروں کی برات وغیرہ شامل ہیں۔
مزید خبریں :
فواد خان نے فلم ’عبیر گلال‘ کیلئے کتنے کروڑ معاوضہ لیا؟
17 اپریل ، 2025
اداکارہ انوشے اشرف کی شادی کی تقریبات شروع، شیندی کی تصاویر جاری
17 اپریل ، 2025
سیف علی خان حملہ کیس میں پیشرفت: پولیس چارج شیٹ میں اہم انکشاف
16 اپریل ، 2025
بڑی اولاد ہونے کا بوجھ زیادہ ہوتا ہے: اداکارہ سونیا حسین
16 اپریل ، 2025
