11 اپریل ، 2025 
پاکستان
پاکستان نے عازمین حج کے لیے حج کوٹے میں اضافے کی خصوصی درخواست کی: وزرت اطلاعات/ فائل فوٹو
سعودی عرب نےمزید 10 ہزارپاکستانیوں کو حج کی اجازت دیدی
11 اپریل ، 2025
ریاض: سعودی عرب نے مزید 10 ہزارپاکستانیوں کوحج کی اجازت دے دی۔
جیونیوز کے مطابق اس حوالے سے نائب وزیراعظم و وزیر خارجہ اسحاق ڈار کا سعودی وزیر خارجہ سے رابطہ ہوا۔
وزارت اطلاعات کے مطابق پاکستان نے عازمین حج کے لیے حج کوٹے میں اضافے کی خصوصی درخواست کی جسے سعودی حکام نے قبول کرتے ہوئے پاکستان کےلیےحج کوٹے میں توسیع کی منظوری دی۔
وزارت اطلاعات کے مطابق درخواست ان شہریوں کےلیےکی گئی جو مقررہ تاریخ تک رجسٹریشن نہیں کروا سکےتھے۔
وزارت اطلاعات کے حکام کا بتانا ہے کہ اس فیصلے کے بعد مزید 10 ہزار پاکستانی شہری حج کی سعادت حاصل کر سکیں گے۔
