11 اپریل ، 2025 
میو اسپتال لاہور میں ایڈز کے مریضوں کو الگ رکھنے کے بجائے جنرل وارڈ میں داخل کرنے کا انکشاف
11 اپریل ، 2025
پنجاب کے سب سے بڑے اسپتال میو اسپتال لاہور میں ایڈز کے مریضوں کو الگ رکھنے کے بجائے جنرل وارڈ میں داخل کرنے کا انکشاف ہوا ہے۔
گزشتہ دنوں ملتان میں ایڈز کے مریض کے ڈائیلاسز کے دوران غفلت سے مزید لوگوں کو ایڈز لاحق ہوگئی تھی، محکمہ صحت نے اس واقعے سے سبق نہیں سیکھا اور میو اسپتال میں ایڈز کے مریضوں کو عام مریضوں کے ساتھ داخل کردیا جس سے عام مریض اور ان کے لواحقین خوف اورتشویش میں مبتلا ہوگئے۔
ایڈز کے تینوں مریضوں کے بیڈ ز پر ایچ آئی وی مریض لکھ کر لگادیا گیا ہے جبکہ وارڈ کا وہی اسٹاف ایڈز کے مریضوں کو دیکھ رہا ہے جو دوسرے مریضوں کی دیکھ بھال کرتا ہے۔
ایک سینیئر لیڈی ڈاکٹر نے نام ظاہر کیےبغیربتایا کہ ایسے مریضوں کو علیحدہ رکھا جاتا ہے لیکن ہمارےپاس داخل کرائے گئے ہیں تو مجبوری ہے۔
میو اسپتال کے ایم ایس ڈاکٹر احتشام کا بھی کہنا ہے کہ ایسے مریض الگ ہی رکھے جاتے ہیں لیکن ہم نے فی الحال انہیں وارڈ میں رکھ کر ٹیگ کردیا ہے اور احتیاط سے کام کر رہے ہیں جلد ہی انہیں الگ وارڈ میں شفٹ کردیا جائےگا۔
مزید خبریں :
روانہ دہی کھانے کی عادت صحت کیلئے مفید
11 اپریل ، 2025
ذیابیطس جیسے عام مرض سے محفوظ رہنے کا آسان طریقہ جانیں
09 اپریل ، 2025
گردوں کو صحت مند رکھنے والی بہترین غذائیں
09 اپریل ، 2025
کیا اسلام میں اعضا اور خون کا عطیہ دینا جائز ہے؟
09 اپریل ، 2025
