12 اپریل ، 2025 
کرسٹیانو رونالڈو کی ہالی وڈ میں انٹری
12 اپریل ، 2025
کھرب پتی فٹ بالر کرسٹیانو رونالڈو نے ہالی وڈ فلم انڈسٹری میں انٹری دے دی ہے جس کے بعد ان کی دولت میں مزید اضافےکا امکان ہے۔
پرتگالی فٹبالر کرسٹیانو رونالڈو نے سوشل میڈیا پر بتایا کہ میں نے مشہور ڈائریکٹر کے ساتھ فلم اسٹوڈیو کا آغاز کردیا ہے جو میرے کریئر میں دلچسپ تبدیلی اور نیا باب ہے۔
رپورٹ کے مطابق فٹ بال اسٹارکے اثاثوں کی مالیت 2 کھرب 19 ارب 97 کروڑ 31 لاکھ 19ہزار 200 روپے ہے۔
فوربز کے مطابق مشہور فٹ بالرز کی آمدنی کی فہرست میں رونالڈو سب سے زیادہ معاوضہ لینے والے فٹبالر ہیں۔ پچھلے سال کی رونالڈو کی آمدنی کا تخمینہ 260 ملین ڈالرز (71ارب 49کروڑ 12لاکھ 63ہزار 240 روپے) لگایا گیا۔ اس آمدنی کے ساتھ کرسٹیانو رونالڈو دنیا کے سب سے زیادہ معاوضہ لینے والے ایتھلیٹس کی فہرست میں سب سے آگے ہیں۔
کرسٹیانو رونالڈو کا شمار دنیا کے کھرب پتی کھلاڑیوں میں ہوتا ہے۔ رونالڈو نے ہالی وڈ میں سرمایہ کاری کی ہے جس سے ان کے اثاثوں میں مزید اضافہ ہوجائےگا۔
40 سالہ فٹبال اسٹار نے مشہور ڈائریکٹر میتھیو وان کے ساتھ مل کر ایک مشترکہ فلمی اسٹوڈیو، UR•Marv کا آغاز کیا ہے۔
رپورٹ کے مطابق رونالڈو تقریباً 800 ملین ڈالرز (دو کھرب 19 ارب 97کروڑ 31لاکھ 19ہزار 200 پاکستانی روپے) کی مجموعی مالیت رکھتے ہیں۔
مزید خبریں :
پی ایس ایل میں بابر اعظم نے ناپسندیدہ ریکارڈ اپنے نام کرلیا
12 اپریل ، 2025
