13 اپریل ، 2025 
کاروبار
پیٹرول کی قیمت فی لیٹر 254.63روپے سے کم ہو کر 242 روپے فی لیٹر ہونے کی توقع ہے__فوٹو: فائل
ملک میں پیٹرولیم مصنوعات کی قیمتوں میں بڑی کمی کا امکان
13 اپریل ، 2025
عالمی منڈی میں خام تیل کی قیمت میں مسلسل کمی کے بعد پاکستان میں پیٹرولیم مصنوعات کی قیمتوں میں فی لیٹر بڑی کمی کا امکان ظاہر کیا جارہا ہے۔
حکومت عوام کو ریلیف فراہم کرنے پر غور کر رہی ہے تاہم قیمتوں میں کمی کے صحیح اعداد و شمار کو ابھی تک حتمی شکل نہیں دی گئی ہے۔
ذرائع نے کہا ہے کہ 16اپریل 2025سے پیٹرول اور ڈیزل کی قیمتوں میں 12روپے فی لیٹر کی کمی متوقع ہے۔
پیٹرول کی قیمت فی لیٹر 254.63روپے سے کم ہو کر 242روپے فی لیٹر ہونے کی توقع ہے۔
اس کے علاوہ ذرائع کا کہنا ہے کہ عالمی سطح پر گراوٹ کے بعد ڈیزل کی قیمت میں بھی کمی دیکھنے کو ملے گی، جس کی قیمت 258.64روپے فی لیٹر سے کم ہو کر 250روپے فی لیٹر ہونے کی امید ہے۔
مزید خبریں :
ملک میں فی تولہ سونا مزید مہنگا ہوگیا
12 اپریل ، 2025
امریکاکے ٹیرف پر ردعمل نہیں، بات چیت کریں گے: ہارون اختر
12 اپریل ، 2025
