14 اپریل ، 2025 
آئی سی سی ویمنز ورلڈکپ کوالیفائرز: پاکستان نے ویسٹ انڈیز کو 65 رنز سے شکست دیدی
14 اپریل ، 2025
آئی سی سی ویمنز ورلڈکپ کوالیفائرز میں پاکستان ٹیم نے ویسٹ انڈیز کو 65 رنز سے شکست دے کر مسلسل تیسری فتح سمیٹ لی.
لاہور میں کھیلے گئے میچ میں پاکستان ویمنز نے پہلے بیٹنگ کی. سدرہ امین نے عمدہ بیٹنگ کرتے ہوئے 54 رنز بنائے، منیبہ علی نے 33 رنز اسکور کیے.
وکٹ کیپر بیٹر سدرہ نواز نے 23 اور عالیہ ریاض نے 20 رنز بنائے، ٹیم آخری اوور میں 191رنز بناکر آؤٹ ہوگئی۔
ویسٹ انڈیز کی جانب سے ہیلی میتھیوز، ایفی فلیچر اور کرشمہ نے دو، دو کھلاڑیوں کو آؤٹ کیا۔
ہدف کے تعاقب میں ویسٹ انڈین بیٹرز پاکستانی بولرز کے سامنے نہ ٹھہر سکیں، پوری ٹیم 126رنز پر آؤٹ ہوگئی۔
عالیہ ایلینی نے سب سے زیادہ 22 رنز بنائے، شبیکا گجنبی نے 21 رنز بنا سکیں۔
پاکستانی کپتا ن فاطمہ ثنا نے 16رنز کے عوض تین وکٹیں حاصل کیں، دو ،دو کھلاڑیوں کو رامین شمیم اور نشرہ سندھو نے آؤٹ کیا۔
مسلسل تیسری جیت کے ساتھ پاکستان کے ایونٹ میں چھ پوائنٹس ہوگئے ہیں اور ویمن ورلڈکپ تک کوالیفائی کرنےکے امکانات مزید روشن ہوگئے ہیں ۔
مزید خبریں :
بھارت کے شریاس ائیر آئی سی سی پلیئر آف دی منتھ قرار
15 اپریل ، 2025
43 سالہ دھونی نے آئی پی ایل میں منفرد اعزاز حاصل کرلیا
15 اپریل ، 2025
