15 اپریل ، 2025 
غصے میں گھر کے دروازے توڑدیتی ہوں: حرامانی کا انکشاف
15 اپریل ، 2025
پاکستانی اداکارہ حرا مانی نے انکشاف کیا ہے کہ وہ غصے میں اپنے گھر کے دروازے توڑ دیتی ہیں۔
اداکارہ حرا مانی کے ایک انٹرویو کا ویڈیو کلپ تیزی سے سوشل میڈیا پر وائرل ہورہا ہے جس میں انہیں اپنے غصے سے متعلق بات کرتے ہوئے دیکھا گیا۔
وائرل کلپ میں حرا مانی نے کہا کہ ’میں غصے کی بہت تیز ہوں جس کی وجہ سے میرے گھر کے دروازے ہمیشہ ٹوٹے ہوئے ہوتے ہیں، میں غصے کے وقت الماریوں اور دروازے سب کے لاک توڑ دیتی ہوں اور اسی وجہ سے مجھے یہ سب ٹھیک بھی کرنا آتا ہے‘۔
اداکارہ کا کہنا تھا کہ ’میں غصہ بچوں کے اسکول سے آنے سے پہلے کرتی ہوں لیکن اگر پھر بھی کبھی بچوں کی موجودگی میں مجھے یا مانی کو غصہ آجائے تو میں یا پھر مانی گھر سے باہر چلے جاتے ہیں‘۔
حرا مانی نے مزید کہا کہ ’ آج کل مانی بے حد خوش ہے کیوں کہ میں صبح 9 بجے اپنے کام پر جاتی ہوں اور رات 10 بجے گھر واپس آتی ہوں اور یہی وجہ ہے کہ ان دنوں میرے گھر کے سارے دروازے سلامت ہیں‘۔
ان کا کہنا تھا کہ ’ مجھے غصہ زیادہ اس وقت آتا ہے جب میں کام نہ کروں، اسی لیے مجھے مانی کہتے ہیں تم کام کرو کیوں کہ جب تم کام نہیں کرتی تو عجیب عورت ہوجاتی ہو‘۔
