15 اپریل ، 2025 
دنیا کی پہلی گاڑی جو الٹا بھی چل سکتی ہے
15 اپریل ، 2025
یہ کوئی اپریل فول کا مذاق نہیں درحقیقت یہ دنیا کی پہلی گاڑی ہے جو الٹی بھی دوڑ سکتی ہے۔
جی ہاں واقعی میکمورٹری نامی کمپنی کی اسپیرلینگ نامی گاڑی دنیا کی پہلی گاڑی ہے جسے الٹا بھی چلایا جاسکتا ہے۔
یہ الیکٹرک ہائپر گاڑی جدید ترین فین ٹیکنالوجی کی بدولت ایسا کر پاتی ہے۔
یہ ٹیکنالوجی اتنی طاقت پیدا کرتی ہے کہ وہ چھت پر بھی دوڑ سکتی ہے۔
اس گاڑی کو الٹا چلانے کا تجربہ خصوصی طور پر ڈیزائن کیے گئے ایک ٹریک پر کیا گیا جس میں اسے ڈاؤن فورس آن ڈیمانڈ موڈ پر چلایا گیا۔
اس موڈ میں گاڑی میں نصب متعدد پنکھوں نے ایک ویکیوم پیدا کیا جس کے نتیجے میں وہ گاڑی اس سطح پر چپک گئی جس پر وہ کھڑی تھی۔
اس کے بعد وہ ٹریک سست روی سے 180 ڈگری میں گھوم گیا اور سیدھی کھڑی گاڑی الٹی ہوگئی جسکے بعد ڈرائیور نے اسے سست روی سے کچھ دور تک دوڑایا۔
یعنی یہ تو واضح ہے کہ کسی مخصوص ٹریک پر ہی اسے الٹا چلایا جاسکتا ہے مگر نئی فین ٹیکنالوجی سے اسے کسی بھی ٹریک یا سطح پر چپکایا جاسکتا ہے۔
1000 ہارس ہاور کی اس گاڑی کا وزن 1.2 ٹن ہے جو کہ بہت تیز رفتاری سے دوڑ سکتی ہے۔
فی الحال اس گاڑی کو عام افراد کو فروخت کے لیے پیش نہیں کیا جا رہا اور ریسنگ ٹریک پر بھی دوڑتی نظر نہیں آئے گی۔
ویسے کوئی اس خریدنا چاہے تو اس کی قیمت 10 لاکھ ڈالرز ہوگی۔
کمپنی کے مطابق گاڑی کا کامیاب مظاہرہ ایک چھوٹے خصوصی ٹریک پر کیا گیا مگر یہ محض آغاز ہے جس سےثابت ہوتا ہے کہ مستقبل میں کیا کچھ ممکن ہے۔
مزید خبریں :
