15 اپریل ، 2025 
جیو ٹی وی پر نئے ڈرامہ سیریل ”بہکاوے“ کا کل سے آغاز ہوگا
15 اپریل ، 2025
جیو ٹیلی ویژن کے شائقین کیلئے ”سیونتھ اسکائی انٹرٹینمنٹ“ کی نئی ڈرامہ سیریل ”بہکاوے“ کا کل سے آغاز ہوگا۔
اس ڈرامے کی کہانی ثمرہ بخاری کے قلم کا شاہکار ہے۔ ”گھر کے آنگن میں وفا کو بے مول کرکے بازار سے خواہشات تو خریدی جاسکتی ہیں لیکن وفا نہیں“ ایسے ہی چبھتے موضوع کو اسد جبل کی ہدایات میں عکس بند کیا گیا ہے۔
ڈرامے کی اسٹار کاسٹ میں فرحان علی آغا، ساجدہ سید، نیئر اعجاز، جاناں حسین، کامران جیلانی، اُسامہ طاہر، خوشی ماہین، رباب رشید، سمیع خان جونیئر، دیا رحمان، یشما گل، ماریہ رضوی، حنا جاوید، اکبر اسلام اور دیگر شامل ہیں۔
زینت اور زبیر کی زندگی میں آئی ”ستارہ“ اپنے نام کی طرح زبیر کے حواس پر چھا جاتی ہے، یشما گل کا یہ کردار حبا علی خان اور یاسر نواز کے بیچ کیسے بڑھائے کا خلیج؟ یہ تمام احوال ناظرین اس سیریل میں ملاحظہ کریں گے۔
ساحر علی بگا نے اپنی مدھر آواز اور کمپوزیشن کے ذریعے ڈرامہ سیریل کے او ایس ٹی کی صورت ایم مجتبیٰ کی شاعری کو جذبات میں پرو کر نکھار دیا ہے۔
پروڈیوسر عبداللہ کادوانی اور اسد قریشی ستارہ کی چال بازیوں کی چکا چوند سے زینت کے آشیانے کو بچائیں گے یا زبیر کی خود غرضی ہو جائے گی بہکاوے کا شکار؟
یہ سب کچھ ناظرین ڈرامہ سیریل ”بہکاوے“ میں روزانہ رات 9 بجے ”جیو ٹی وی“ پر ملاحظہ کرسکیں گے۔
مزید خبریں :
دبئی میں پاکستانی آرٹ نے شائقین کے دل موہ لیے
3 گھنٹے پہلے
