صحت و سائنس

شدید گرمی میں کس سبزی کو جیب میں رکھ کر ہیٹ اسٹروک سے بچاسکتا ہے؟

17 اپریل ، 2025

شدید گرمی میں کس سبزی کو جیب میں رکھ کر ہیٹ اسٹروک سے بچاسکتا ہے؟ — ہیٹ اسٹروک سے بچاؤ کیلئے اس سبزی کو نہ صرف جیب میں رکھنا بلکہ اسے کھانا بھی انتہائی مفید ہے/ فائل فوٹو

شدید گرم موسم کے دوران پیاز ایک ایسا سپر فوڈ ہے جسے نہ صرف کھانے بلکہ جیب میں رکھنے سے بھی متاثر کن فوائد حاصل ہوسکتے ہیں۔

پیاز جیب میں رکھنے کے فوائد جاننےسے قبل پیاز کھانے کے فوائد کا جاننا بھی ضروری ہے۔

گرمی میں پیاز کھانے کے فوائد

یہ بھی پڑھیں

پیاز یا لہسن! کونسا تیل بالوں کیلئے زیادہ اچھا ہوتا ہے؟

ماہرین کے مطابق موسم گرما میں جسم کو ٹھنڈی غذاؤں کی ضرورت ہوتی ہے ، ایسی صورت میں پیاز کا کچا یا پکا کر دونوں صورتوں میں ہی استعمال فائدہ مند ہے کیونکہ پیاز میں موجود آئرن، اینٹی آکسیڈنٹس، ضروری وٹامنز، وٹامن سی اور وٹامن بی کے سبب طبی ماہرین پیاز کے استعمال کا مشورہ دیتے ہیں۔

پیاز کو جیب میں رکھنے کی روایت

موسم گرما آتے ہی جہاں باہر نکلنے والے افراد اپنے ہمراہ پانی کی بوتلیں، کیپس اور چھتریاں رکھتے ہیں وہی ایک پرانی روایت یہ بھی ہے جس میں بزرگ افراد باہر کام کیلئے جانے والوں کو پیاز جیب میں رکھنے کا مشورہ دیتے ہیں۔

جیب میں پیاز رکھنے سے کیا ہوتا ہے؟

طبی ماہرین کے مطابق پیاز میں گرمی جذب کرنے کی زبردست صلاحیت پائی جاتی ہے، یہی وجہ ہے کہ دھوپ میں نکلتے وقت پیاز کا پاس ہونا جسم کو نقصان پہنچانے سے پہلے ہی گرمی کو جذب کرلیتا ہے۔

ماہرین کا ماننا ہے کہ پیاز میں موجود سلفر کے مرکبات اور اینٹی آکسیڈنٹس quercetin سے پسینے کے عمل کو تیز کردیتا ہے، یوں کہیں کہ پیاز گرمیوں کے موسم میں ٹھنڈک کی خاصیت رکھتی ہے، اس میں موجود غیر مستحکم مادے جسم کے درجہ حرارت کو متوازن رکھنے میں مدد دیتے ہیں۔

دوسری جانب پیاز میں موجود اینٹی آکسیڈینٹس گرمیوں کے عام مسائل مثلاً الرجی اور سانس کی تکلیف کو دور کرنے میں بھی معاون ہیں۔