18 اپریل ، 2025 
اسرائیل فلسطین مسئلے کا واحد اور پائیدار حل فلسطینی ریاست کا قیام ہے: روسی صدر
18 اپریل ، 2025
روس کے صدر ولادیمیر پیوٹن نے اسرائیل فلسطین مسئلے کا واحد اور پائیدار حل فلسطینی ریاست کے قیام کو قرار دے دیا۔
غیر ملکی خبر رساں ادارے کے مطابق روسی صدرولادیمیر پیوٹن نے ماسکو میں قطر کے امیر شیخ تمیم بن حمد الثانی سے ملاقات کی۔
ملاقات کے دوران روس اور قطر کے درمیان 2 ارب ڈالر سے زائد کے دوطرفہ سرمایہ کاری معاہدے پر بھی دستخط کیے گئے۔
اس موقع پر قطری امیر شیخ تمیم نے اسرائیل فلسطین مسئلے پر بات کرتے ہوئے کہا کہ آزاد فلسطینی ریاست کے قیام کے بغیر امن ناممکن ہے۔
دوسری جانب روسی صدرولادیمیر پیوٹن نے بھی اسرائیل فلسطین مسئلے کا واحد اور پائیدار حل فلسطینی ریاست کے قیام کو قرار دے دیا۔
دونوں رہنماؤں نے شام کو آزاد، خودمختار اور متحد ریاست بنانے کی مشترکہ کوششوں پر بھی اتفاق کیا۔
مزید خبریں :
امریکا کا یوکرین امن معاہدے سے پیچھے ہٹنے کا عندیہ
18 اپریل ، 2025
ویڈیو: خرگوش کے انجن میں گھسنے سے اُڑتے طیارے میں آگ لگ گئی
18 اپریل ، 2025
