20 اپریل ، 2025 
پاکستان
تھر پارکر میں شدید گرمی اور پانی کی کمی سے 65 مور ہلاک
20 اپریل ، 2025
صحرائے تھر کی خوبصورتی کے مرکزی کردار اور سندھ کا قومی پرندہ قرار دیا گیا مور پانی کو ترسنے لگا، درجنوں مور ہلاک ہوگئے۔
تھرپارکر وائلڈ لائف کے ڈپٹی کنزرویٹر میر اعجاز تالپور کا کہنا ہےکہ موروں کو تھر میں خوراک تو مل جاتی ہے لیکن پانی نہيں مل پاتا، مقامی افراد کے مطابق گرمی کی حالیہ لہر میں 65 مور ہلاک ہوچکے ہيں۔
مقامی افراد کا دعویٰ ہے کہ بیمار موروں کی تعداد سیکڑوں میں ہے جن کا علاج نہ ہونے کے باعث روزانہ کی بنیاد پر یہ خوبصورت پرندے ہلاک ہوتے جارہے ہیں۔
