20 اپریل ، 2025 
پاکستان
فوٹو: انٹرنیٹ
اٹک: شادی کی تقریب میں تیز آواز میں گانے چلانے پر 12 افرادگرفتار
20 اپریل ، 2025
اٹک میں شادی کی تقریب میں تیز آواز میں گانے چلانے پر 12 افراد کو گرفتار کرلیا گیا۔
پولیس کے مطابق شادی کی تقریب میں اونچی آواز میں ساؤنڈ سسٹم پر ناچ گانے کی محفل سجا کر اہل محلہ کا سکون برباد کرنے پر 3 خواتین سمیت 12 افراد کو گرفتار کرلیا گیا جن میں دلہا کے 2 بھائی بھی شامل ہیں۔
پولیس کا کہنا ہےکہ ساؤنڈ سسٹم ضبط کرکے مقدمہ درج کرلیا گیا ہے۔
ترجمان اٹک پولیس کے مطابق قانون کی خلاف ورزی کرنے والوں کے خلاف بلاامتیاز کارروائیاں جاری رہیں گی اور عوام کے سکون میں خلل ڈالنے کی اجازت کسی صورت نہیں دی جائے گی۔
